Kitaplar
Rîsaleya Birariye

   Terefgêriye û înad û hesed, ke beyntarê mumînan de benî sebebê pêkewtişî û pênêkerdişî û kîn û ‘edawetî, bi hesabê heqîqet û hîkmet û bi hesabê însaniyeto gird, ke îslamiyet o, û bi hesabê cuya şexsî û cuya îçtîmaî û cuya manewî çiyî nebaş î û cade niyî, mizir û zulm î, û seba cuya beşerî jehrin î. Gelek zaf wechanê nê heqîqetî ra ma şeş wechan tenya beyan kenîme.

   WECHO YEWIN:

   Nezerê heqîqatî de zulm o.

   Ey merdimo bêînsaf ke kîn û ‘edawet ro mumînan keno! Senî ke ti yew keştî/gemî de yan zî yew ban de bibî, to reyde new merdimê bêguneyî û yew merdimo canî bibo; yew merdimo bîn zî seba xerqkerdişê na keştî yan zî seba veşnayîşê no banî bixebitiyo, o merdim çendêk zulm keno, ti zanî. A hinge de ti go hendî biqîrî ke, seketi zulmê ê zalimî ehlê asmênî rê bidî eşnawitiş. Hetta tek yew masum û new canî bibî fina a keştî goreyê qet yew qanûn û edaletî nîna xerqkerdiş.

   Eynen sey na mîsale, şexsê merdimê mumînî hezey mislê banê Rebbanî yo, yan zî gemiyêka îlahî ya, wicudê leşa ey de, sey îman û îslamiyet û embiryaniye, new ney belkî vîst sifatê masumî est î. Bi sebebê yew sifatê eyo canî, ke anegoreyê to mizir o û weşê to nêşono, ti warzî kîn û ‘edawet ey bikerî, ê banê manewiyeyê canê ey xerq bikî yan zî biveşnî. Û seba xeripiyayîş û deqeldiyayîşê ey rê bîlfîîl teşebbus bikerî yan zî biwazî. No zî sey a mîsala verêne, bed û nebaş, zulmêko xidar o.

Hata Bildirim Formu
Sayfalar
123456789101112131415161718192021222324252627282930313233343536373839404142434445
Fihrist
Lügat