Kitaplar
Rîsaleya Birariye

   Birarê minê ‘ezîzî, siddiqî!

   Na dinya de, xusûsen no wext de, xusûsen ê ke dekewtê musîbet, û baxusûs vera sixintî û bêhêviyanê dehşetinan ê şagirdanê Nurî, çareyo tewr tesirin, tesellî û ferah dayene yewbînan û qewetê manewiyeyê xo teqwiye kerdene û sey biraro heqîqiyo fedakar xem û hezn û sixintiyanê yewbînan rê melhem sawitene û tam şefqat reyra zerriya eya kederini mişt kerdene ya. 

   Birariya raştikên û ê axîretî, ke mabênê şima de ya, cigir û terafgêriye nêwedarena. Madem mi heme qewetê xo dir baweriya xo şima arda û mi paşta xo şima besta û seba şima mi neke tena îstîrahatê xo û heysiyetê xo û şerefê xo, belkî bi zerrweşiye, mi qerar dayo ke ez ruhê xo zî feda kena, belkî zî şima ha vînenî. 

   Hem zî ez sond dana şima (ez şima rê sond wanena) ke, no heşt rojî yo, di ruknê [Rîsaleya] Nurî zahîrî, seba hedîseyo bêqîmetin yewnan de nazîkerdiş û herinda tesellî de hezin dayîşê yewbînan [şagirdan], yew ‘ezab dayo qelbê mi, coka, hem ruhê mi, hem qelbê mi, hem eqlê mi, bi feryad û bermî vato: “Eywah, eywah! El-eman, el-eman! Ya Erhemurrahîmîn, medet! Ma mehfize biki. Ma şerrê cindan û însanan ra bixelisni. Zerriya biraranê mi vera yewbînan bitam sedaqet û muhabbet û uxûwwet û rehm ra biki pirr.”  

   Ey birarê minê ke sey asinî tênêgeyrenî, mi rê ardim bikerînî. Dawaya ma zaf nazik a. Mi baweriya xo şima zaf ardibî, mi heme wazîfeyê xo, şexsê manewiyeyê şima rê caverdabi. Lazim o ke şima zî pê heme qewetê xo, îmdadê mi de bêrînî. Raştiya xo de hedîsa gelek qijkek û gelek wirdêlek bî. Feqet zemberegê saetê ma rê û bîbika çimê ma rê yew muy, yew zerre zî bêro, dejneno. Û na nuqta ra ehemmiyetdar o ke, hîrê teqiyayîşê maddiyî û hîrê muşahedeyê manewiyî tastamam xeber dayî.

(Şuayan ra)

Seîdê Nursî

***

Hata Bildirim Formu
Sayfalar
123456789101112131415161718192021222324252627282930313233343536373839404142434445
Fihrist
Lügat