Kitaplar
Rîsaleya Birariye

   Birarê minê ‘ezîzî, siddiqî, xebatkarî!

   Seba birariye ez yew dustûr beyan kena, şima gereke ê dustûrî bigêrî çiman ver.

   Cu, netîceyê wehdet û îttîhadî yo.Gama ke îttîhado ke kê pê pêkenî şîro, cuya manewî zî şina. Hawayo ke

وَلاَ تَنَازَعُوا فَتفْشَلُوا وَتَذْهَبَ رِيحُكُمْ

îşaret kena, eke pêpaştdayîşiye bixeripiyo, tehmê cemaetî remeno. Şima zanî, eke hîrê elîfî ciya-ciya binusiyî qîmetê xo hîrê yo. Têkişti de bunusiyî, senî qîmetê xo sew yewendes o. Sey şima hîrê-çar xizimkarê Heqî, ciya-ciya û cîhetê gure xo miyan de barnêkerdişî reyra xo ser hereket bikerî, qewetê înan sey hîrê-çar merdiman o. Eke yew birariya raştikên reyra, pê yew pêpaştdayîş, fezîletê yewbînan reyra xo bigoynî, seke yew bî, kerdeyanê yewbînan miyan de biheliyî, ê çar merdimî qiymetê qewetê çar sey merdiman de benî. 

   Şima Ispartaya girdi de ney, belkî sey makînîstanê elektîrîkî,yew memleketî girdî roşn kenî. Her yew çerxê makine mecburo ke yewbînan de hetkarî bikero. Hem yewbînan ra qeheriyayîş ney, belkî bêla‘eks ganî qewetê yewbînan ra zerrşad bibî. Her yew çarxo ke ma înan hêşdar hesibnenî, gama yew çerxo hîna hêzdar vîno, zerrşad beno. Çike, wazîfeyê xo beno sivik. Yew xiznaya xurt û xişne ke aîdê xizmetê heq û heqîqetî, Qur'an û îmanî ya, kesê ke aye wegirewta, eke çiqas polê hêzdarî [bêrî ardim] bikewî binê aye keyfê înan yeno, minnetdar benî, şikir kenî. 

   Nêbo nêbo şima yewbînan rê kêberê rexnekerdişî akerî. Bêğeyra biraranê şima zaf daîreyî est î ke rexne bibî. Senî ez pê meziyetanê şima îftîxar kena, herçiqas ez ê meziyetan ra meheyr biba, semedo ke şima de est î seke ê mi bibî ez pê memnun bena. Gereke şima zî sey çimê ustadê xo yewbînan ra biewnî. Seke, şima ra her yew vilakerdoxê fazîletê ê bînan o.

(Lahîqaya Barlayî ra)

Seîdê Nursî

***

Hata Bildirim Formu
Sayfalar
123456789101112131415161718192021222324252627282930313233343536373839404142434445
Fihrist
Lügat