Kitaplar
Rîsaleya Birariye

   Birarê minê ‘ezîzî, siddiqî!

   Tersêko ke nişka ameyo ruhê mi ez ey beyan kena.

   Mi hîs kerd û fehm kerd ke ehlê dalalet semedo ke nêeşkenî vera şîmşîrê elmasin ê Rîsaleya Nurî bêrî, miyanê şagirdanê ey de, muxalefetê meşrebî yanxo hîssiyatanê înan ra damara zeîfe vînenî, pê îstîfadeyê cîhetê derdê maîşetî û ğefletê mewsimê wusarî ra, wazenî pêpaştdayîşo ke mabênê şagirdan de ro bixeripnî. Eman nêbo nêbo, zaf hayîdar bibînî, wa yew pênêkerdiş û ciyayiye nêkewo mabênê şima. Însan şaşiyan ra xalî niyo, feqet, berê tewbeyî akerde yo.

   Gama nefis û şeytan şima vera birarê şima sewkê îtîrazî û rexneyê heqdarî bikero, vajinî ke: “Neke wina huqûqê xoyê qijkekî, belkî ma mukellef î ke ganî xo û heysiyetê xo û seadetê xoyê dinyayî tesanud rê feda bikerî,ke rabitayo tewr qewetin ê Rîsaleya Nurî yo. Ridê netîceyo ke ma tira gênî, aîdê dinya û enaniyetî heme çî fedakerdiş, wazîfeyê ma yo.” Wina vajinî û nefsê xo huş bikerîn. Eke medarê pêkewtişî yew mesela bibo, mişewre bikirîn. Zaf teng metepîşîn; her kes yew meşreb de nêbeno. Nika pê peygoşkerdiş reyra yewbînan ra niyadayîş lazim o. 

   Ma biraranê xoyê pêronan rê yew bi yew selam kenîme.

(Lahîkaya Kastamonî ra)

Seîdê Nursî

Hata Bildirim Formu
Sayfalar
123456789101112131415161718192021222324252627282930313233343536373839404142434445
Fihrist
Lügat