Kitaplar
Rîsaleya Birariye

   Ge-ge xurûr û nefisperestiya însanan, bêhêş, duştê ehlê îmanî bêheq ‘edawet keno; wano qey ez heqdar a. La, pê nê xusûmet û ‘edawetî,sebebanê hêzdaran -sey îman,îslamiyet û cinsiyet ke vera ehlê îmanî wesîleyê muhabbetî yî- peygoş keno(sivik hesibneno), qîmetê înan kemîneno. [Wina kerdiş] hezey, sebebanê bêqîmetinan ê ‘edawetî, tercîhê sebebanê muhabbetî, ke sey koyî yî,kerdiş yew deluyiye ya.

   Madem muhabbet ziddê ‘edawetî yo; sey roşniye û tariyiye raşta nêşnî bêrî têhet. Sebebê kamî ğelebe bikero, o heqîqetê xo de qelb de ca gêno; ziddê ey heqîqetê xo de çin beno.Mesela, muhabbet heqîqetê xo de bibo, ay çax ‘edawet vuriyeno beno şefqat, pîzveşniye.Duştê ehlê îmanî weziyet wina yo. Yanxo eke ‘edawet heqîqetê xo de qelb de ca bigêro, o çax muhabbet vuriyeno keweno waziyetê mumaşat û têkilnêbiyayîşî, zahîren beno dost. No zî tena duştê ehlê dalaletî ke tecawiz nêkeno beno. 

   Belê, sebebê muhabbetî; sey îman, îslamiyet, cinsiyet û însaniyet,rêzilê qewetin û dizê manewiyê nurin î. Duştê ehlê îmanî sebebê ‘edawetî, sey xînçanê wirdêlekan/mincelekan tay sebebê xusûsî yî. Madem winî yo, keso ke yew musluman rê raşta dişmeniye bikero. Seke sey koyî, ê sebebanê muhabbetî qij vînayîş yew ğeletiya gird a.

   Elhasil: muhabbet, birariye, heskerdiş, mîzacê îslamiyetî yo, rabitayê ey o. Ehlê ‘edawet,maneno yew domano ke mîzacê ey xeripiyayo, qayîl o bibermo, maney geyreno ke pê bibermo; sey perrê meysi, çiyêko bêqîmet, beno sebebê bermiyayîşê ey. Hem maneno yew merdimo bêînsafî, bedbîn/xirabvînayox ke, eke îmkanê suyê zen bibo husnê zen nêkeno. Yew xirabiye reyra des holiyan nimneno. Însaf û husnê zen ke seciyeyê îslamiyetî yo, nê rewşî red keno.

(Xutbeyê Şamiye ra)

***

Hata Bildirim Formu
Sayfalar
123456789101112131415161718192021222324252627282930313233343536373839404142434445
Fihrist
Lügat