Kitaplar
Rîsaleya Birariye

   Hayo, heqîqetê îmanî, a qesr a. Her yew delîl, yew mifteh o; îspat keno, berî akeno. Padayemendişê tek yew berî ra, o heqîqetê îmanî înkar nêbeno, tira vazgeçbiyayîş nêbeno. La şeytan, seba tay sebeban ra, yan ridê ğeflet ra yan zî ridê cehaletî ra, bero ke padaye mendo ey mojneno; heme delîlê ke ispat kenî înan betal keno. Vano: “Hayo merdim nêşkeno dekewo na qesre. Beno ke qesre niya, tede çiyekî çin o.” Merdimî xapîneno.

(Lem’aya 13. ra)

***

   ‘Emrê xo de, heyatê îçtîmaiyeyê beşerî ra, çiyo ke mi qet’î zanayo û netîceyo ke mi heqîqetan ra veto no yo ke:

   Çiyo ke tewr layiqê muhabbetî yo, muhabbet o; û sifato ke tewr layiqê xusûmetî yo, xusûmet o. Yanî, sifatê muhabbet û heskerdişî -ke heyatê îçtîmaiyeyê beşerî temîn keno û merdimî sewkê seadetî keno- tewr ziyade layiqê heskerdişî û muhabbetî yo.Û dişmeniye û ‘edawet -ke heyatê îçtîmaiyeyê beşerî zîr û zeber keno- heme çî ra ziyade yew sifato pîs û zirarin o ke musteheqê nefret û ‘edawetî yo û ganî merdim xo tira bipawo.Semedo ke no heqîqet Mektubo Vîst û Diyin ê Rîsaleya Nurî de pa îzahê xo beyan biyo, ma îta de kilmek îşaret kenî. Wina yo ke:

   Wextê xusûmet û ‘edawetî qediyayo. Di herbê dinyayî nawitî ke ‘edawet çiqas fena yo, xeripnayox û zulmêko dehşetin o. Vejiya meydan ke tede qethene yew naf çin o. O çax, nebaşiya dişmenanê şima -eke tecawiz nêkerî- wa nêbo sebebê ‘edawetê şima. Cehennem û ‘ezabo îlahî înan rê bes o.    

Hata Bildirim Formu
Sayfalar
123456789101112131415161718192021222324252627282930313233343536373839404142434445
Fihrist
Lügat