Kitaplar
Rîsaleya Birariye

   Labelê, însan, fitratê xo de damara xoya zulmî reyra, pê telqînî şeytanî, se heb başiya yew merdimî, semedê tek yew nebaşiye ra xo vîr ra keno, birarê xoyê mumîn rê ‘edawet keno, keweno gune. Senî, eke yew perrê meysi, çimî sero roniyo, yew koyî nimneno, nênawneno. O tewir, însan, damara qerezî reyra, sey perrê meysi yew nebaşiye reyra, sey koyî başiye limneno, xo vîrî ra keno, birarê xoyê mumîn rê ‘edawet keno, heyate yê îçtimaiyeyê însanan de beno yew haca fesadî.

   Sey nê desîseyê şeytanî yewna desîse reyra, selametê fikrê însanan têbin keno, herimneno vera heqîqetê îmaniyeyî sihhetê muhakemeyî xeripneno û îstîkametê fikrê îhlal keno. Wina yo ke;wazeno pê yew delîlê qijkekî ke derheqê çinbiyayîşê yew heqîqetê îmanî de ro, hukmê se ra vêşêr delîlanê ispatkerdoxan bişikno. Labelê, qaîdeyo qet’î yo ke, “yew ispatkerdox, tercîhê gelek înkarkerdoxan beno.” Yew dawa de hukmê yew şahidê musbetî, tercîhê se heb menfiyan beno. No temsîl reyra nê heqîqetî ra biewni. Wina yo ke:

   Yew qesre, dased hebî berê ayeyê qefilnayeyî est î. Tek yew berê ay abo, kê şêno dekewo a qesre, ê berê bînî zî abenî. Eke berî pêro akerde bî, yew-di hebî tira bêrî padayîş, kê nêşno vajo merdim nêşno dekewo a qesre.

Hata Bildirim Formu
Sayfalar
123456789101112131415161718192021222324252627282930313233343536373839404142434445
Fihrist
Lügat