Kitaplar
Rîsaleya Birariye

   Hem mesela,suyê zan û suyê tewîl de, na dinya de yew cezaya muacceli est a. Bi qaîdeyê men dakka dukka yanî, keso ke suyê zen bikero, suyê zen bider beno. Keso ke hereketê birayê xoyê mumînanî xirab tewîl bikero, yew demo kilm de hereketê ey zî xirab tewîl benî. Cezaya xo vîneno.

Û no tewir, gerek heme ehlaqo baş û xirab goreyê nê peymeyî bêro peymawitiş. Ez rehma îlahî ra hêvî kena, î’cazê Qur-ano manewî ke no wext de Rîsaleya Nurî ra vejîno meydan, kesê ke ey tehm kerdî, nê lezzetê manewiyî hîs kenî; bengînê exlaqê xirabî nêbenî, înşaellah. 

(Lem’aya 28. ra)

***

   Yew desîseyê şeytanî, ke heyatê îçtimaiye yê însaniye de fesadiye vejeno, no yo ke: Pê tek yew nebaşiya mumînî, heme xeyranêey nimneno. Bêînsafî ke goş danî nê desîseyê şeytanî, ê mumîn rê dişmeniye kenî.

   Labelê, Cenabê Heqî, heşîr de, edaletê mutlaqî reyde, qapanê xoyê girdî de, gama kerdeyanê mukellefî senceno, nuqtaya xirabey ra, vêşî yan zî kemîbiyayîşê holey gore hukûm keno. Hem semedo ke sebebê nebaşiye zaf î û wicudê(kerdişê) înan asan o, ge-ge tek yew başiye reyra zaf nebaşiya to nimneno. Dêmeg, na dinya de gerek nuqtaya edaleto îlahiye ra muamele bibo. Eger, holiya yew merdimî, xirabiya ey ra, hem nuqtaya kemiyet hem nuqtaya keyfiyet ra vêşê bibo. O merdim layiqê muhabbet û hurmetî yo. Belkî ridê tek yew başiya eya qîmetine ra, zaf nebaşiyanê ey rê ganî çimê efukerdiş ra bêro ewniyayîş.

Hata Bildirim Formu
Sayfalar
123456789101112131415161718192021222324252627282930313233343536373839404142434445
Fihrist
Lügat