Kitaplar
Rîsaleya Birariye

   Mesela, zatê ke layiqê qedr û qîmetî yî, qedr û qîmetê înan zanayîş, û kesê ke layiqê pîzveşniye yî, înan rê pîzeveşnayîş û înan desta geyrayîş, yew holiye ya, yew başiye ya. Miyanê na başiye de hende yew zewq, yew lezzet, ke tira boya sewabê uxrewî yana, est a ke dereceyê ganîxodayîşî de, ê qedr û qîmetî, ê xizmetî aver bena. Zewk û mukafato ke dayke bi wasitayê şefqatê merhemetî ra -ke semedê leyîrê xo nawnena- qezenç kena, ganê xo rayîrê ê merhametî de feda kena. Bêjê heywanan de, kerga ke semedê xelasê lîçika xo hêrişê şêrî kena, nê heqîqetî rê yew mîsal a. Dêmeg, merhamet û hurmet de yew mukafato muaccel est o; merdimê ke wayîrê xîretê berzî û bişerefiyî, nê mukafatî hîs kenî, coka waziyetêko ke sey qehremaniye yo gênî.

   Hem mesela, xirs û îsraf de hende yew ceza est a ke, yew cezaya gerreyine, meraqine, manewî û qelbî însanan kena sersem. Û hesed û moziriye de hende yew cezaya muaccel est a ke, a moziriye, mozirî veşnena. Hem tewekkul û qenaet de hende yew mukafat est o ke, o sewabo muaccelo lezzetin, bela û elemê feqîriye û muhtaciye safî kena, hem ğurûr û qurretiye de hende yew baro giran est o ke, merdimo qurre her kesî ra qedr u qîmet paweno, û semedê nê waştişî ra eke muqabele nîvîno, ‘ezabo daîmî anceno. Belê, qedr û qîmet nêno waştiş belkî yeno ramotiş/mojnayîş. Hem mesela, tewazu û terkê enaniyet de hende yew lezzet û mukafat est o ke, merdimî yew barê giranî ra û xo çimê şarî vistiş ra xelisneno.

Hata Bildirim Formu
Sayfalar
123456789101112131415161718192021222324252627282930313233343536373839404142434445
Fihrist
Lügat