Kitaplar
Rîsaleya Birariye

No parçe zaf qîmetin o

   Cenabo Heq kemalê keremê xo ra û merhemetê xo ra û edaletê xo ra, miyanê holiye de yew mukafato muaccel û miyanê xirabiye de yew cezaya muaccel ronaya. Miyanê başiye de yew lezzeto manewiyo ke tira boya sewabê axîretî, miyanê nebaşiye de yew cezaya manewiya ke tira boya ‘ezabê axîretî yena, ronaya.   

   Mesela, mabênê mumînan de muhabbet, semedê ehlê îmanî yew holiya rind a. Miyanê a holiye de, yew lezzeto manewî, yew zewq, yew rehetiya/ferahiya qelbî ronaya ke tira boya sewabê maddî ê axîretî yena. Kam ke muracaatê qelbê xo bikero nê zewqî hîs keno.

   Mesela, mabênê mumînan de xusûmet û ‘edawet yew xirabiye ya. Miyanê a xirabiye de, yew ‘ezabo wijdanî ke qelb û ruhî defîneno tenganiye, ruhanê berzan dano hîskerdiş. Mi bi xo, belkî se rey ra vêşêr ceribnayo ke, demê yew birarê mumînî rê ‘edawetê mi de, mi o ‘edawet ra hende ezab antinî; şek tede çinbi ke, no, xirabiya mi rê yew cezaya muaccel a, diyêna mi antiş.

Hata Bildirim Formu
Sayfalar
123456789101112131415161718192021222324252627282930313233343536373839404142434445
Fihrist
Lügat