Kitaplar
Rîsaleya Birariye

   Malum o, hemzeyo ke sereyê ayetî de yo, manaya persayîşê “‘eceba” î de yo. A manaya persayîşî,sey awki, şona miyanê heme kelîmanê ayete. Her kelîma/çekuye de yew hukmo sergirewte/nimite est o.

   Hayo, a yewine, hemze reyra vana: Aqilê şima ke cayê sewal û cewabî yo, ‘eceba çin o ke endehîna yew çiyê pîsîfehm nêkeno?

   A diyine: Lefzê 

يُحِبُّ

reyra vana: Qelbê şima ke cayê hes û nefretî yo ‘eceba herimiyayo ke yew gureyo tewr menfûrî ra hes keno?

   A hîrêyine: Kelîmaya

اَحَدُكُمْ

reyra vana: Se biyo heyatê şimayê îçtîmaî û medeniyetê şima, ke heyatê xo cemaat ra gênî, no bêj yew ‘emelî, ke heyatê şima jehr keno, kebul kenî?

   A çarine: Vateyê

اَنْ يَاْكُلَ لَحْمَ

reyra vana: Se biyo însaniyetê şima ke şima wina haway cinawiran embazê xo gazan reyra parçe kenî?

   A pancine: Kelîmaya

اَخ۪يهِ

reyra vana: Qey hîç şefqatê şimayo hemcinsî, hîç rehmê şimayo merdimanî çin o ke şima wina bêînsafane şexsê manewiyê yew belangazî gaz kenî, ke gelek cîhetan ra birarê şima yo? Û hîç eqlê şima çin o ke şima weslanê xo bi dindananê xo reyra sey deluyan/boman gaz kenî?

   A şeşine: Vateyê

مَيْتًا

reyra vana: Wijdanê şima ça yo? Cey fitratê şima herimiyayo ke, vera yew birarê xo, yew halo tewr muhterem de, hezey goştê ey werdiş, yew gureyo tewr nebaş kenî?

Hata Bildirim Formu
Sayfalar
123456789101112131415161718192021222324252627282930313233343536373839404142434445
Fihrist
Lügat