Kitaplar
Rîsaleya Birariye

   A Yewine: “Gama ke ez mird biba sewbîna kes gêst de bimro mi rê çi?”

   A Diyine: “Ti biguriye, ez bora.”

   Cereyanê rîba û terkê zekat nê di çekuyan şidinenî û daîm kenî. Tek çare, ke na nêweşiya îçtimaî ya gelek zirarini tedawî keno, sey yew dustûro umumî îcrakerdişê zekatî reyra, wacîbbiyayîşê zekat û herambiyayîşê rîba yo.

   Hem ne tena şexis û cematanê xusûsiyan de, belkî seba seadetê cuya heme nevê beşer,yew rukno tewr muhîm, belkî seba domnayîşê cuya însanî yew estuna tewr muhîme, zekat o. Çunke, beşer de, xas û ‘am di tebaqayî est î. Çiyo ke xasan ra merhamet û îhsan resneno ‘aman, û ‘aman ra hurmet û îtaet resneno xasan, zekat o. Nêgra, diyar ra zulm û tehakkûm yeno ser ‘aman; ‘aman ra kîn û îsyan vejîno zengînan. Di tebaqayê beşerî, daîm yew mucadeleyo manewî de, yew keşmekeşê îxtîlaf de manenî, Pede–pede ta ke haway Rusya sey mucadeleyê kedi û sermaye pêkewenî.

   Hey ehlê kerem û wijdan! Û ehlê comerd û îhsan! Eke îhsanî (xeyr û hesanat, holiyî û lutfî) bi nameyê zekatî nêbî, hîrê zirarî xo est î. Gilingan bêfaîde şonî. Çunke, seba ke ti namebê Homayî nêdanî, manen ti minnet kenî, ti feqîrê bêçareyî binê esaretê minnetî de verdanî. Hem ti duaya ey a meqbule ra meheyr manenî. Hem rastiko semedo ke ti malê Cenabê Heqî bidî evdanê Ey ti yew memuro vilakerdox û barkerdox î, ti xo wayîrê mal zen kenî,vera nîmetanê ey nankoriye kenî.

Hata Bildirim Formu
Sayfalar
123456789101112131415161718192021222324252627282930313233343536373839404142434445
Fihrist
Lügat