Kitaplar
Rîsaleya Birariye

 Sey heqîqetî, yew hewno xeyalî de, serra pancin ê Herbê Umumî de, yew hewno ‘ecaîb de, mi ra ame persayîş:

   “Sebebê ey çi yo muslumanî na veyşaniye, nê zaiyatê malî û meşaqetê bedenî vînenî?”

   Mi hewn de vatibi:

‘   Cenabê Heq, malê xoyo ke dawo ma, tay qismê ey ra, des ra yew (Haşîye)  yan zî tay qismê mal ra çewres ra yew (Haşîye)  ma ra waşt; ta ke ma pê duaya feqîran bigîrî û [ay zekat] kîn û hesedê înan men bikero. Seba xirsê xo ma temahkariye kerd, ma nêda. Cenabê Heq zekato ke pêserbibi, çewres ra hîris, des ra heşt girewt.

   Hem serri de, tena yew menge de,hewtay rey hîkmetine yew veyşaney ma ra waşt. Pîzeyê ma nefsê ma veşa; ma mûwaqet û lezzetine yew veyşaniye nêanti. Cenabê Heq, seba [ke ma rê] bibo ceza, yew rojeyo hewtay cîhet ra belayin, panc serrî, zorakî da ma tepîştiş.

   Hem vîst û çar saetan ra tek yew saet, weş û ulwî, nuranî û faîdeyin yew talîmatêko Rebbanî, ma ra waşt. Ma terraliye kerdi, ma o nimaj û o niyaz nêard ca. Ma o tek saet zî kerd ê saetanê bînan ser û vîndî kerd. Cenabo Heq, seba ke bibo kefaretê ey, panc serrî, bi talîm û talîmat û vazdnayîş reyra seke nimaj da ma kerdişî.” Mi [wina] vatibi.

   Dima ez xo aqiliyaya, ez fikiriyaya, mi fehm kerd ke, o hewno xeyalî de yew heqîqato gelek muhîm est o. Vateyo Vîst û Pancin de, babetê pêveronayîşê medeniyet û hukmê Qur-anî de, îspat û beyan biyo ke, cuya îçtimayê beşerî de çimeyê heme bêj bêehlaqey û heme bêj îxtîlafî, di çeku yî. 

 

Hata Bildirim Formu
Sayfalar
123456789101112131415161718192021222324252627282930313233343536373839404142434445
Fihrist
Lügat