Kitaplar
Rîsaleya Birariye

   Madem winî yo, eke ti mal ra hes kenî, xirs reyra ney, belkî qenaet reyra mal biwazi, ta ke zaf bêro.

   Ehlê qenaet û ehlê xirs sey di merdiman manenî ke; şonî dîwanxaneyê yew zatê pîlî. Tira yew pîzeyê xo de vano: “Tena mi qebul biko, ez zixmê serdê ra bixelisiya mi rê bes o. Kursiyo tewr cêrên zî bidî mi holey a.

   Merdimo diyin, seke yew heqê xo est bo, seke her kes mecbur o ey rê hurmet bikero, payekarane vano: “Gerek sendeliyo tewr corên bido mi.” O xirs reyra şono zere, çimanê xo meqemanê corênan ra çarneno, wazeno bireso înan, labelê wayîrê dîwanxaneyî, ey apey tadano, ey cêr de dano roniştiş. Lazim o teşekkur bikero, herinda teşekkurî de zerriya xo verdano. Teşekkur ney, bîlakîs wayîrê keyî rexne keno. Wayîrê keyî zî mirozê xo cal keno, ri nêdano bider.

   Merdimo verên bi nefsşenikiye dekeweno, wazeno kursiyê en cêrênî sero ronişo. Qenaetkariya ey, weşba wayîrê keyî şona, vano: “Kerem ki, sendaliyê corênî sero ronişi.” O zî çiqas ke şono teşekkurê xo zêdneno; memmuniyetê xo vêşî beno.

   Hayo, dinya yew dîwanxaneyê Rehman a. Riyê erdî yew xonçaya Rehmetî ya. Dereceyê zad û mertebeyê nîmetî zî herinda sendaliyan dî. Hem her kes,gureyanê tewr qijkekan de zî, tesîro nebaş ê xirsî tey vejeno.

   Mesela, di parsekî gama yew çî biwazî, her kes qelbê xo de povejeno, parseko ke xirs reyra tekrar keno gangiraniye virazeno û çî nêdiyêno ey, parseko bînê bêvengî rê merhamet viraziyêno û çî diyêno ey.

Hata Bildirim Formu
Sayfalar
123456789101112131415161718192021222324252627282930313233343536373839404142434445
Fihrist
Lügat