BEHSO DIYIN

 بِسْمِ اللّٰهِ الرَّحْمٰنِ الرَّح۪يمِ

اِنَّ اللّٰهَ هُوَ الرَّزَّاقُ ذُو الْقُوَّةِ الْمَت۪ينُ ٭ وَكَاَيِّنْ مِنْ دَٓابَّةٍ لَا تَحْمِلُ رِزْقَهَا اَللّٰهُ يَرْزُقُهَا وَاِيَّاكُمْ وَ هُوَ السَّم۪يعُ الْعَل۪يمُ

   Hey ehlê îman! Behso sifteyin de to fehm kerd ke ‘edawet çendehîna zirarin o. Hem fehm biki ke, sey ‘edawetî, cuya îslamiyetî rê tewr mudhîş yewna nêweşiya mizirin zî xirs o.

   Xirs sebebê mehrûmey û bêmiradey o û sebebê sadirbiyayîşê nêweşey û bêxîretey o; û mehrumiyet û sefaletî ano. Belê, zîllet û sefaletê milleta Yahudî, ke her millet ra ziyadeyêr xirs û temahkariye reyra hêriş ser dinya kenî, no hukmî rê şahîdêko qet’î yo.

   Belê, xirs, alemê cudaran de, daîreyo tewr hera ra bigîri heta ferdo tewr cuz’î, tesîrê xoyê xirabî nawneno. Pê tewekkul, telebê rizqwerab zî, bîlakîs medarê rehetey o û her ca de tesîro baş nawneno.