Kitaplar
Rîsaleya Birariye

   Belê, ê kafirî tira va: “Semedo ke ti lezba xo mi serebibirnî, mi waşt ez to biyara hîddet. Madem dinê şima hende safî û halis o, o dîn heq o.”

   Hem yew hedîseya gelek balkêşe:

   Zemanêk yew hakim, gama destê yew dizdî tira keno, eserê hîddet nawneno, a vîstiki de amîrê eyo adîlo ke bider ewniyaynî, ey, ê wazîfeyî ra erzeno. Çunke, eke bi nameyê şerî’etî û hesabê qanûnê îlahî tira bikerdinî gerek zerra ey bider biveşaynî û qelbê ey hîddet nêkerdinî, labelê gerek merhamet zî nêbo maniyê destbirnayîşî. Semedo ke ê hukmî de nefsê xo rê yew hîsse wedartibi, edalet reyra gure nêardo ca.

   Yew haletê îçtimaiye ke merdim pê gelek dejeno û yew nêweşiya cuya îçtimaiye ke qelbê îslamî bermî ra kena:

   “Wextê vejiyayîş û hêrişkerdişê dişmenanê teberan de, ‘edawetanê daxîliyan xo vîr ra kerdiş û fek tira veradayîş” yew meslahato îçtimaî yo ke, qewmê tewr wehşî zî nê dustûrî teqdîr kenî û pê ‘emel kenî. Wextê biyayîşê dişmenanê bêhed û bêhesaban de, ke pêpey ra waziyetê hêrişî de yî, êyê ke cematanê îslamî rê dawayê xizmetî kenî, se biyo înanke ‘edawetê xoyê qijkekan xo vîr ra nêkenî, hêrîşê dişmenanê xo rê zemîn hedirnenî. Na rewşe yew îskutey a, yew wehşet o, cuya îçtimayê îslamiyetî rê yew xiyanet o.

   Yew hîkayeya gelek îbretdani:

   ‘Eşîretanê bedewiyan ra ‘eşîra Hesenan de, dişmenê yewbînan, di qebîleyî est bî. Yewbînan ra belkî da-pancas merdiman ra vêşêr kiştî, gama ke vera înan, sey Sîpkan yan zî Hayderan, yew qabîle vejey, ê di taîfeyê dişmenî, ‘edawetê kehenî nêardinî xo vîr, paştî daynî yewbînan, heta a ‘eşîra teberî xo ser ra def bikerî.

Hata Bildirim Formu
Sayfalar
123456789101112131415161718192021222324252627282930313233343536373839404142434445
Fihrist
Lügat