Kitaplar
Rîsaleya Birariye

   “Hem nêweşiya terefgêriye, merdimanê belengazan, şerrê xasanê zaliman ra felitneno. Çunke, eke xasanê yew qeseba yan zî ê yew dewe îttîfaq bikerî, merdimanê belengazan rê tehda kenî. Eke terefgêriye bibo, belengaz xo hetêk ra besteno, xo felitneno.”

   “Hem mucadeleyê fikran ra û pênêkerdişê aqlan ra heqîqet tastamam vejîno meydan.”

   Elcewab:

   Seba persa sifteyêne wina vanîme: Îxtîlafo ke hedîs vano, îxtîlafo musbet o. Yanî, her kes seba tamîr û rewacê meslegê xo xîret keno, seba meslegê sewbînan rijnayîş û betal kerdiş ney, belkî seba tekûzbiyayîş û islahê înan xebitîno. Labelê îxtîlafo menfî –ke qerezkarane seba texrîbkerdişê yewbînan xebitiyayîş o– nezerê hedîsi de red biyo, qebul nêbiyo. Çunke, ê ke yewbînan reyra pêkewenî û pêvazdenî besenêkenî musbet hereket bikerî.

   Seba persa diyine wina vanîme:Terefdariye eke namebê heqî bo, a go heqdaran rê bibo cayê setare û meterisî.Labelê terefdariya nê zemanî qerezkarane bi hesabê nefsî ya, merdimanê neheqan rê setare û noxtaya îstînadî ya. Coka merdimo ke qerez reyra terefgêriye keno, eke şeytan bêro fikrê ey rê ardim û terefdariye binawno, o go şeytanî rê rehmet biwano. Eger terefdê reqîbê ey ra peyayêk sey melekî bêro, o go winî neheqî bider biko, heta yew derece (haşa) seke lanet bider biwano.

   Seba persa hîrêyine ma wina vanîme: Mucadeleyê fikran ke bi nameyê Heq û heqîqatî beno, meqsed û esas de îttîfak, labelê wasitayan de îxtîlaf kenî. Heme çar qulp û kenarê heqîqetî îzhar kenî, heq û heqîqetî rê xizmet kenî. 

Hata Bildirim Formu
Sayfalar
123456789101112131415161718192021222324252627282930313233343536373839404142434445
Fihrist
Lügat