Dustûro çarin:

   Ehlê kîn û ‘edawet, hem nefsê xo rê, hem birarê xoyê mumîn rê, hem rehmetê îlahî rê zulm keno, tecawiz keno. Çunke, kîn û ‘edawet reyde nefsê xo miyanê yew ‘ezabo girs de verdeno. Nîmetî ke xasimê ey rê ameyî dayîş,verba înan ‘ezab anceno û elemo ke tersê ey ra yeno, nefsê xo rê dano antiş, nefsê xo rê zulm keno.

   Eke dişmeniye mozirey ra bêro, o kulliyen ‘ezab o. Çunke mozirey verê verkan mozirî permilnena, kena perîşan, veşnena. Derheqê mozirbiyaye de yanî keso ke mozirey bider beno rê zirarê xo ya tay o yan zî çin o.

   Çareyê moziriye:

  Merdimo mozir, wa aqibetê çiyanê ke bider mozirîno bifikiriyo. Heta ke fehm bikero ke semtey û qewet û mertebe û serweto dunyevî ke xasimê ey wayîrê înan o fanî yî, daîmî niyî. Faydeyê înan tayn, zehmetê înan zaf o. Eke reqîb wayîrê firzeyanê/meziyetanê uxrewiyanbo xoma înan de moziriye nêbena. Eke înan de zî moziriye bikero ya o bixo riyakar o; wazeno malê axîretî dinya de mehf bikero yanxo mozirbiyayeyî riyakar zen keno, neheqey keno, zulm keno.