Kitaplar
Rîsaleya Birariye

   Dustûro Hîrêyin:

   Eke ti qayîlî dişmeniye bikerî, dişmeniya ke qelbê to der a aye rê dişmeniye biki, seba qewirnayîşê aye bixebiti. Hem nefsê xoyê emmare û hewayê nefsê xo rê dişmeniye biki, seba islahatê ey bixebiti ke tewr ziyade zirar resnenî to. Seba xatirê nefsê mizirî mumînan rê ‘edawet meki. Eke ti wazenî dişmeniye bikerî, kafirî, zindêqî zaf î, înan rê dişmeniye biki. Belê, senî ke sifatê muhabbetî layiqê muhabbetî yo. O tewir zî, xesletê ‘edawetî, o bixo, heme çî ra zafêr, layiqê dişmeney o.

   Eke ti heskenî zorê xasimê/reqîbê xo berî, duştê xirabiya ey, rindiye reyra cewab bidi. Çunke, eke ti xirabiye reyra muqabele bikerî, husûmet zêdîno. Zahîren mexlub bibo zî, qelben kîn besteno, dişmeniya xo domneno.  Eke ti rindiye reyra muqabele bikerî,poşman beno, beno dostê to. Bi hukmê

اِذَا اَنْتَ اَكْرَمْتَ الْكَر۪يمَ مَلَكْتَهُ ٭ وَ اِنْ اَنْتَ اَكْرَمْتَ اللَّئ۪يمَ تَمَرَّدًا

xusûsiyetê mumînî, kerîmbiyayiş o. Îkramê to reyde keweno binê emrê to. Zahîren adî bibo zî, hetê îmanî ra kerîm o. Belê, eke ti yew peyayo xirab ra vajî “ti baş î, ti baş î” baş biyayîşê ey, û yew peyayo baş ra ti vajî “ti xirab î, xirab î” xirab biyayîşê ey zaf qewimiyayo. Madem winî yo goş bidi dustûrê qudsiyeyê Qur'anî

وَاِذَا مَرُّوا بِاللَّغْوِ مَرُّوا كِرَامًا ٭ وَاِنْ تَعْفُوا وَتَصْفَحُوا وَتَغْفِرُوا فَاِنَّ اللّٰهَ غَفُورٌ رَح۪يمٌ

seadet û selamet ey de yo.

Hata Bildirim Formu
Sayfalar
123456789101112131415161718192021222324252627282930313233343536373839404142434445
Fihrist
Lügat