Belê, tewhîdê îmanî, helbet tewhîdê qelban wazeno. Û yewiya îtîqadî/baweriye zî îcabê yewbiyayîşê cematî kena.

   Belê, ti nêşnî înkar bikerî ke;eke ti yew merdim reyra yew tabur de bibî, ti vera ey merdimî, rabitayêko dostaniye povejenî/hîs kenî; û qandê ke şima piya bin emrê yew qumandanî de yî,ti yew eleqeyê embaziye tede tey vejenî/hîs kenî.Û seba ke şima yew memleket de piya yî,ti munasebetêk birariye ferq kenî. Halbukî, nur û şûûro ke to îmanî ra giroto û esmayê îlahiyî ke to pê wasitayê îmanî diyî û ti înan ra hayîdar biyî, mabênê to û birarê toyê muslumanî de,goreyê hûmaranê înan eleqeyê wehdetî û rabitayê îttifaqî û munasebetê birariyî est o.

   Ma vajî, Xaliqê şima ê her diyan yew o, Malîkê şima yew o, Mabûdê şima yew o, Raziqê şima yew o - yew o, heta hezar yew o, yew o. Hem Pêxamberê şima yew o, dînê şima yew o, qibleya şima yew a- yewo, yew o, heta se yew o. Dima dewa şima yew a, dewleta şima yew a, welatê şima yew o - heta des yew o, yew o. Hende yewî, wahdet û tewhîdî, wîfaq û îttîfaqî, muhabbet û birariyî îktîza kenî û tede rêzilê manewî est î ke; kaînatî û gerdunan yewbînan ra girey danî, herinda nînande, çiyî sey pîrika pîrike sist û bêehemmiyetan tercîh kerdiş, ke benî sebebê pênêkerdiş û nîfaqî,vera mumînî‘edawet û kîno raştikên bestene, çendehîna rabitayê wehdetî rê bêhurmetî û sebebê heskerdişî şenik vînayîş û vera munasebetê heskerdişî rê zulm û zordariya xişn/gird a, eger qelbê to nêmerdo, eqlê to nêtefiyayo ti fehm kenî.