Kitaplar
Rîsaleyê Îxlasî

   Labelê ehlê dîn û eshabê îlm û erbabê terîqet, senî, nînan ra wazîfeyê her yewî umûm ra niyadano, wina zî ucretê înan o hazir zî (bellîkerde) niyo û mabênê înan de texsîs û bar nêbiyo… û meqamê cemat de û yê tewecuhê însanan û husnê qebul de zî hisseyê her yewî bellî niyo. Semedo ke yew meqam rê gelek namzedî peyda benî, her yew ucreto maddî û manewî rê gelek destî derg benî. Coka, ganeciziye û reqabet vejîno meydan û wîfaq vuriyeno beno nîfaq, îttîfaq qelibîno beno îxtîlaf.

   Ha yo, melhem û dermanê na nêweşiya xidare, îxlas o. Yanî, ganî merdim heqperestiye tercîhê nefîsperestiye biko û xatirê heqî, serbê xatirê nefs û enaniyetî bigêro, no qayde mazharê sirrê

اِنْ اَجْرِىَ اِلَّا عَلَى اللّٰهِ

bibo û bi îstîxna yanî xo dûrîgirotişê ucreto maddî û manewî ra, (Haşiye) ke terefdê însanan ra yeno dayiş, mazharê sirrê

وَمَا عَلَى الرَّسُولِ اِلَّا الْبَلَاغُ

bibo, û gerek bizanbo ke; nuqtaya qebûlkerdişo baş û tesîro weş û destvistişê meyl û teqdîrê însanan wezîfeyê Homay Tealayî yo, û miyanê wazîfeyê teblîxê de niyo, û lazim zî niyo, û mukellef (mesûl) zî niyo, no qayde muwaffaqê îxlasî beno. Nêkela, îxlasî vîndî keno.

                                             HAŞÎYE

   Gerek merdim xesletê sehabîyan “Îsar”, ke mazharê medh û senayê Qur'anî bîyo, xo rê biko rehber, yanî qebulkerdişê hedîye û sedeqan de, gerek çewê bînî tercîhê nefsê xo biko û menfeto maddî ke xizmetê dînî ra yeno, gerek nêwazo û bi qelbê xo talep nêko, pawikê ey nêvindero, eke bêro dayîş zî gerek înan tenya îhsanêko îlahî bizanbo û minnetê însanan nêwegîro û herinda xizmetê dînî înan nêgîro. Çunke lazim o ke vera xizmetê dînî, çîyo dinyevî nêro waştiş, ke wa pê îxlas neşikîyo. Her çiqas heqê înan o ke ummet weraba înan temîn bikero. Hem musteheqê zekatî yî zî. Feqet no nêno waştiş, bîlakîs, yeno dayîş. Gama ame dayîş zî ganî nêvajo ke “no ucretê xizmetê min o.” Ganî merdim heta eşkeno, qenaetkarane, nefsê bînan, ê ke musteheq û ehîl î, tercîhê nefsê xo bikero. Bi mazharîyetê sirrê

وَ يُؤْثِرُونَ عَلٰى اَنْفُسِهِمْ وَلَوْ كَانَ بِهِمْ خَصَاصَةٌ

Çend îhtîyacê înan bibo zî, înan (birarê înan ê muslimanê ke hîcret kerdo û amey Medîne) xo ra ser gênî. (Sûreya Heşre: 9 )

ra şêno tehlîkeyo ecîb ra bixelisîyo û îxlasî qezenç biko.

Hata Bildirim Formu
Sayfalar
12345678910111213141516171819202122232425262728293031323334353637383940414243444546474849505152
Fihrist
Lügat