NUQTAYA YEWINE:
Persêka muhîm û muthîşe:
Çi rê ehlê dinya, ehlê xeflet, hetta ehlê dalalet û ehlê nîfaq, bêreqabet îttîfaq virazenî, çi rê eshabê diyanet û ehlê îlm û ehlê terîqet, ke ehlê heq û ehlê wîfaqî yî, bireqabet îxtîlaf kenî? Îttîfaq, ke heqê ehlê wîfaqî yo, û xîlaf ke lazim o ehlê nîfaqî bikerî, çi ra no heq şi uca û a neheqiye amey îtiya?
Elcewab: Gelek zaf sebebanê na hedîsaya elîm û fecî, ke ehlê hamiyetî kena bermî ra, ma hewt sebebanê aye beyan kenîme.
O YEWIN: Senî îxtîlafê ehlê heqî, neheqiye ra nîno, îttîfaqê ehlê xefletî zî heqdariye ra niyo. Belkî, sey ehlê dinya û ehlê siyaset û ehlê mekteban, derheqê tebeqeyanê heyatê îçtîmaiye de meşxul, wazîfeyê her yew taîfe, cemaet û cemiyetan kifş biyo û yewbînan ra aqiteyo. Înan ra her yew, wezîfeyêko bellîkerde û xizmetêndo xusûsî de xebitînî. Û seba ay wazîfeyî, hetê debara xo viyarnayîş ra; ucreto maddî, û hetê sînayîşê maqamî û şan û şerefî ra; ucreto manewiyo ke însanan ra gênî bellî û ciya biyo. (Haşiye) fiîrîkiya ke kes ey ser ro zehmet banco û gala bider biko û ser ro reqabet bikero, ganeciziye biviraziyo çin a. Coka, çiqas meslegê înan xirab bo zî şênî yewbînan de pêbikerî.