Çi sebeb ra kewtîme zîndanê terraliye?

   Cewab:

  Heyat yew fealiyet û têgeyrayîş o. Şevk zî matiyyeyê ey, yanî; heywanê weniştişî yan zî çiyo ke kê bider wenîşenî, yo. Ha yo, xîretê şima, gama ke şevkî wenîşeno û vejîno meydanê mubarezeyê heyatî, verê verkan, dişmeno tewr xidar; yeîs, yanî; bêomidiye û bêhêvîtiye, raştê ey yeno. Qewetê eyê manewiyî şikneno. Şima, vera ê dişmenî, kalmeyê

لَا تَقْنَطُوا

yî, bişuxulnî.

   Dima, îstîbdadê meyluttefewwuk, yanî; sewbînan ser ro hukûm kerdiş, waştişê serfîrazey, dîktatoriye, bêzehmet û bêezêt cayê xizmetê heqî girotiş, dest bi hêrişî keno. Dano sereyê xîretî ro, ey mahîna ey ser ro ra fîneno war. Şima, heqîqetê

كُونُوا لِلّٰهِ

î, vera ey dişmenî birusnî.

   Dima zî, aculiyet, yanî; bêsebriye, aceleyiye, gure rew kerdiş vejîno vernî,  poxtê lezey ra, sebebê ke sey rêzile pêra beste yî, rîayetê tertîbanê înan nêkeno, xo înan ser ro ra çeng kerdiş reyra ê sebaban têmiyan fîneno, linga xîretî şuş keno (sermitneno). Şima vera nê aculiyetî

وَاصْبِرُوا وَ صَابِرُوا وَ رَابِطُوا

yî, xo rê bikerînî meteris.