Qandê cûyî ra se hezar, belkî mîlyonan telebeyê mektebê îrfanî yê Nurî deresayî (perwerde biyî). Hînî no rayîr de, xizmetê îmaniye de ê go dewam bikerî. Û meslegê mino ke maddî û manewî heme tewir fedakariye kerdiş o, go ey ra nêaqitî. Safî go qandê rizaya Homayî bixebitî.

   Pa mi ra, zaf telebeyê mi zî, tewir-tewir musîbetî, ezêt û cafa werdî, îmtîhananê xidaran ra viyartî. Ez qayîl a, ê zî, sey mi vera heme neheqiye û neheqiya kerdoxan rê heqê xo helal bikerî. Çike, hêşê înano ke sirrê qederê îlahî û tecelliyê eyê xorînan ver nêşiynî, bêzanayîş, dawaya ma rê, înkîşafê heqîqetê îmaniye rê xizmet kerdî. Wazîfeyê ma înan rê hîdayet waştiş o. Vera ê ezêt û cefadayoxan, ez salix dana ke, hîç yew telebeyê mi zerra xo de, mîsqalê zerre, meramê heyfgirewtişê nêçarno û herinda înan de wa zerra safî û sebat reyra Rîsaleya Nurî rê bixebitiyî.  Ez zaf nêweş a. Ne nuştiş rê, ne vatiş rê senada mi nêmenda. Beno ke nê vateyê minê peyinî benî. Talebeyê Rîsaleya Nur ê Medresetuz Zehra wa nê wesiyetê mi xo vîr ra nêkerî.

(Lahîkaya Emîrdaxe-2, 69)