Kitaplar
Rîsaleyê Îxlasî

OYO KE QALÎ KENO TENYA HEQÎQET O

   Rîsaleya Nurî de ispat biyo ke, ray-rayan miyanê zilm de edalet tecellî keno. Yanî însan sebebêk ra raştê yew neheqiye, yew zilmî yeno, tufanêk yeno merdimî sereyê ser de, mehkûmê hepsî zî beno, dekeweno zindan zî. O sebeb neheq o, o hukûm zilm o, labelê o qewimiyayîş beno wesîleyê tecelliyê edaletî. Keso ke yewna sebeb ra biyo musteheqê cezayî, mehkûmiyetî heq kerdo, qedero îlahî na ray destê yew zalimî ra cezayê ey dano, ey defîneno felaket. Wina biyayîş, tewirêk tecelliyê edaletê Îlahî yo. 

   Ez nika fikirîna. No vîst û heşt serrî yo ke ez wîlayet-wîlayet, qeza bi qeza yena çarnayîş. Mehkema ra mehkema sewq bena. Ê ke nê îşkenceyanê zalimaneyan bi mi kenî pê çi qebehat mi sucdar kenî? Eceb, dînî, aletê siyasetî kerdiş ra yo? Feqet, çi ra nêeşkenî naye ispat bikerî? Çunke heqîqetê xo de çiyo winayin çin o.

   Yew mehkema bi mengan, bi serran xebitîna, geyrena ke sucêk vîno û mi pê mehkûm bikero. A veradana, mehkemayêka bîni, seba eynî meseleyî, gilana mi gêna mehkema kena. Biney zî a dima kewena, mi tezyîq kena, mi maruzê îşkenceyanê tewir bi tewiran kena. A zî nêşna çî xo dest fîno, veradana. Na ray yewda hîrêyine, giraneyê mi tepîşena. Bi no hal, ez musîbet ra bi musîbet, felaket ra bi felaket herikiyêna şona. Vîst û heşt serrî ‘emrê mi wina viyart.  

Hata Bildirim Formu
Sayfalar
12345678910111213141516171819202122232425262728293031323334353637383940414243444546474849505152
Fihrist
Lügat