Kitaplar
Rîsaleyê Îxlasî

   MANIYO DIYIN O KE ÎXLASÎ ŞIKNENO: 

   Sebeb û sewkê şohretperestiye ke wecibiyayîşê meqamî ra yeno û bin perdeyê şan û şerefî de hes û eleqayê her kesî waştene, bi nezarê dîqqetî antene xo ser, dest enaniyet ro kerdene û nefso emmare rê yew meqam dayene yo ke, hem tewr muhîm yew nêweşiya ruhî ya hem riyakariye û xodroşiye rê ber akeno ke “şîrko xafî” name beno, zirar dano îxlasî.

   Ey birarê mi! Xizmetê Qur'anê Hakîm de meslegê ma senî heqîqet û uxuwwet o, û sirrê uxuwwetî, şexsiyetê xo miyanê biraran de mirnayîş, (Haşiye)  nefsê înan nefsê xo ra cor tepîştene yo. No cis reqabeto ke wecibiyayîşê meqamî ra yeno ganî ma miyan de tesîr nêkero. Çunke, temamen ziddê meslegê ma yo. Medem şerefê biraran pêroyî şîno aîdê her ferdî bibo; o şerefo manewî û xişnî, şexsî, xodroşane, reqabetkarane, yew şerefo qijkek û şohretî rê feda kerdene, ez hêvî kena ke şagirdanê Rîsaleya Nurî ra se derece dûrî yo. Heya qelbê şagirdanî Rîsaleya Nurî, aqlê înan, ruhê înan, wina çiyanê nizm, zirarin, pîsan rê tenezzul nêkeno. Labelê her kesî de nefso emmare est o. Tay hîssiyatê nefsî zî ginenî damarî ro. Dereceyêk hukmê xo, duştê qelb, aqil û ruhî ca ano (îcra keno). Ez qelb û ruh û aqlê şima sucdar nêkena. Tesîro ke Rîsaleya Nur dano ez paşta ey ra bawer kena. Labelê nefs û hewa û hîs û wehm ray-ray kê/merdimî xapînenî. Coka şima gilingan bi şiddet îqaz benî. Dereceyê şîddetî, nefs û hewa û hîs û wehmî gore yo; bi îhtiyat têbigeyrî.

Hata Bildirim Formu
Sayfalar
12345678910111213141516171819202122232425262728293031323334353637383940414243444546474849505152
Fihrist
Lügat