Mîsalo Diyin:

   Ehlê senet semedo ke netîceyê senetî vêşî bikerî, hetê îştîraqê senet ra serwetêko muhîm dest fînenî. Hetta des merdimê derzînviraştoxî, ciya-ciya derzînî viraştî. Meyweyê ay xebata ferdî her yewînî rê roj de hîrê derzînî kewtî. Dima dustûrê teşrîkê mesayî reyra ê des merdimî ameyî têhet (xo yew kerdî). Înan ra yewer asin ano, yewer kurane/ocaxe veşneno, yewer qule dekeno/akeno, yewer ocax ro keno, yewer sereyê aye têj keno û sewbîna… Her yew senetê derzînviraştişî de tenya yew karo qijek reyra meşxul beno, seba ke karo ke keno çetin niyo wext zayî nêbeno, o gure de destê ey ser keweno, bi surat gureyê xo vînayî. Dima, semereyê senetê ke dustûrê teşrîkê mesaî û teqsîmê amel reyra viraziyayo xo miyan de bar kerdî. Diyî ke her yewînî rê roj de herinda hîrê derzînan hîrê sey hebî kewtî. Ziwanê senetkaranê ehlê dinya miyan de, seba ke înan sewkê teşrîkê mesayî bikero, na mesela biya destan.

   Ha yo, ey birarê mi! Madem karê dinya de maddeyê kesîfî îttîhad, îttîfaq reyra netîceyê winayinan, wina yekun faîdeyê girdan dano, tirê eceb, uxrewî û nuranî û bê ke muhtacê barkerdişê û cêrabiyayîş bo, û fezlê Îlahî reyra eynikanê yewbînan rê nur rişnayene û her yew bibo wayîrê sewabo ke pêronan qezenç kerdene, şima eşkenî têvernî çiqas karêko gird o! No karo gird, ganî rekabet û bêîxlasî reyra dest ra nêro vetiş.