Pabeyê nê menfaetê maddiyî biyayîş ke behsê ey beno, dima nefso emmare hetî xodgamiye ra, seba ke o menfaet destê ey ra nêvejiyo nêkewo destê sewbînan, vera yew birarê ey o heqîqî û o xizmeto taybetî de vera embazê xo yew damara reqabetî weriznena (werizîna). Zirar dana îxlasê ey ro, xizmet de qudsiyetî vîndî keno. Nezarê ehlê heqîqetî de yew weziyeto bed gêno û menfaetê maddiyî zî vîndî keno.
Çi ke bi, no mîr zaf awe wazeno, ez kilm birnena, tenya seba ke miyanê biraranê minê rastikênan de sirrê îxlasî û îttîfaqo semîmî qewî bibo ez di mîsalan vana.
Mîsalo Yewin:
Ehlî dinya semedo ke yew serweto gird û qeweto şedîd xo dest fîno, hetta yew qismê ehlê siyaset û cuya îçtîmayê beşeriye ra muhîm amîlî û komîteyî, dustûrê îştîraqê emwalî xo rê kerdo rehber. Heme suyê îstîmalat û ziraranê xo reyra, yew qeweto harîqa, yew menfaet xo dest fînenî. Hal no yo ke, gelek zirarê xo bibo zî, îştîraq reyra mahiyetê îştîraqê emwal nêvurîno. Her yew umûmî rê – rastîko yew het ra û nezeret ra- malîk hesibîno; labelê nêeşkeno îstîfade biko.
Çi ke bi, no destûrê îştîraqê emwal eke bikewo amelê uxrewiye miyan, bêzirar beno çimeyê menfaetê xişnî. Çunke heme emwal no sir xo miyan de paweno ke temamen bikewo destê ê her yew ferdê ke îştîraq kenî.
Çunke senî ke çar panc merdiman ra, niyetê îştiraq reyra, yewî qazyaxî, yewî fîtîlê, yewî lamba, yewî şuşa, yewî kîbrît biyarî lamba panî. Her yew tam wayîrê lambayêk benî. Eke şîrikbiyayoxan ra her yew dêsê xo ser ro wayîrê yew eynikî bibo, yew lamba bêkemane pa oda ra kewena eynikê her yewan. Eynen winî zî, emwalê uxrewiye de sirrê îxlas reyra îştîraq û sirrê uxuwwet reyra tesanud û sirrê îttîhad reyra teşrîkê mesayî, mabênê ehlê heqîqetî de meşhud û waqî yo ke heme yekun û heme nur ke o îştîraqê emel ra yenî meydan, temamen dekeweno defterê amelê înan.
Ha yo, ey birarê mi! Înşallah menfaetê maddî go şima sewkê reqabetî nêkero. Labelê senî ke tay ehlê terîqet nuqtayê menfaetê uxrewî de xapiyayî, beno ke şima zî bixapiyî. Labelê yew sewabo şexsî û tay ho ça, sewab û nuro ke nuqtayê îştîraqê emel ra yeno, ke no mîsal de behsê ey bi, ho ça?
