Kitaplar
Rîsaleyê Îxlasî

   Ey xizmetê Qur'anî de embazê mi!

   Seba qezençkerdişê îxlasî û pawitişê ey sebebo tewr tesîrin, rabitayê mewt o. Belê, senî ke tulê emel îxlasî herimneno û merdimî sewkî riya û dinya keno, rabitayê mewt merdimî riya ra beacneno û îxlasî dano qezençkerdişî. Yanî, mergê xo fikiriyayîş, fanîbiyayîşê dinya mulahaza kerdiş, wesweseyê nefsî ra felitiyayene yo.

   Heya, ehlê terîqet û ehlê heqîqet, derso ke ayeta Qur'anî Kerîm ra gênî

كُلُّ نَفْسٍ ذَٓائِقَةُ الْمَوْتِ ۞ اِنَّكَ مَيِّتٌ وَاِنَّهُمْ مَيِّتُونَ

rayîrşiyayîşê xo de rabitayê mewtî esas girewtî; o rabita reyra tewehhumo ebediye îzale kerdî ke menşeyê wecibiyayîşê bêpeynî yo. Înan, bi suretê ferazî û xeyalî, xo merde tesawwur û xeyal kenî, xo ferz kenî seke şuwyêno, defnê qebre beno, no fikiriyayîş reyra nefso emmare ay xeyal û tesawwur ra muteessîr beno, fek miradanê xoyê dergûdilayan ra verradano. Faîdeyê no rabitayî gelekî bol o. Hedîsi 

اَكْثِرُوا ذِكْرَ هَادِمِ اللَّذَّاتِ

(ew kema qal) yanî, “Mergo ke lezzetan xeripneno û cal keno zaf zikir bikerî” vatiş reyra no rabitayî ders dana.

   Labelê, seba ke meslegê ma terîqet niyo, belkî heqîqet o, ma mecbur niyî ke no rabitayî sey ehlê terîqatî bi xeyalî bikerî. Hem wîna kerdiş goreyê meslegê heqîqetî rast niyo. Belkî, neki aqubet fikiriyayîş reyra zemano ameyoxî ardiş wexto nikayin, belkî nuqtaya heqîqeti ra wexto nikayin ra bi fikir reyra şiyayîş îstîkbal, çiman reyra ewniyayene yo. Belê, bira qet xeyalî rê, ferezay rê luzûm nêmaneno, merdim eşkeno cinazaya ey a ke tek fêkiya ke sereyê na dara kilm ê ‘emrî ra ya niyado. Aye reyra merdişê şexsê xo tenya vîneno, biney aver şêro, merdişê asrê xo zî vîneno, bineyna zî aver şêro, merdişê dinya zî vîneno, îxlaso tamme rê rayîr akeno.

Hata Bildirim Formu
Sayfalar
12345678910111213141516171819202122232425262728293031323334353637383940414243444546474849505152
Fihrist
Lügat