DUSTÛRÊ ŞIMA YO HÎRÊYIN

   Şima ganî heme qewetê xo îxlas û heqî de bizanî.

   Heya, qewet îxlas û heq de yo. Kesê bêheqî zî, bêheqiye miyan de îxlas û samîmiyetê xo ra qewet gênî.

   Heya no xizmetê ma delîl o ke qewet heq û îxlasî de yo. No xizmetê ma de yew parçe îxlas, na dawaya ma îspat keno û beno delîlê xo. Çunke xizmetê dînî û îlmê ke mi vîst serrî ra vêşêr memleketê xo de û Istanbul de ker do herinda ey de tiya de hewt-heşt serran de hîna vêşî viraziya. Halbukî, memleketê mi de û Istanbul de, birarê mi ke tiya de mi reyra xebitînî, înan ra se. Belkî hezar derece vêşî ardimciyê mi est bî, feqet tiya de ez tenya, bêkes, xerîb, nêmwende, bin çimandê memuranê bêînsafan de û bin tehdaya înan de xizmeto ke mi şima reyra hewt-heşt serran de kerdo, qeweto manewiyeyo ke xizmeto verên ra se derece vêşêr muwafaqiyetê nawneno mi de qet şik nêverda ke îxlasê şima ra yeno.

   Hem ez îtîraf kena; riyayo ke bin perdeyê şan û şerefi de yeno û weşbê nefsî (mi) şono, şima pê îxlasê xoyê samîmî ez eyra yew derece felitnay. İnşaallah şima îxlaso tam fînenî xo dest, mizî defînenî îxlaso tam.

   Şima zanî ke Hezretê Elî (r.a.) kerametê xoyê mucîzewarî û Hezretê Gawsê Azam (k.s.)kerametê xeybiyeyê xoyê harîka reyra, semedê no sirrê îxlasî, şima rê îltîfat kenî. Û hemetkarane tesellî danî, xizmetê şima rê manen çepikan kuwenî.