Belê, eke hîrê elîfî îttîhad nêkerî, qîmetê înan hîrê yo. Sirrê adediyet reyra îttîhad bikerî, qîmetê înan sew yewendes beno. Senî çar hebî çarî ciya-ciya bibî qîmetê înan şiyês o. Eke sirrê birariye û îttîhadê meqsad û îttîfaqê wazîfe reyra têvero bikewî, yew xet ser ro bêrî têhet, paştî bidî yewbînan, ay wext qîmet û qewetê înan beno çar hezar û çar sey û çewres û çar, eynî inhawa gelek wukuatê/serebûtê tarîxî şahîdey kenî ke heqîqî sirrê îxlas reyra qîmet û qeweto manewiye ê şiyês fedekar biraran çar hezarî vêreno.
Sirrê nê sirrî no yo ke:
Heqîqî, samîmî yew îttîfaq de her yew ferd, eşkeno çimê sewbîna biraran reyra biewniyo û goşanê înan reyra bieşnawo. Seke des merdimê muttehîdî her yew vîst çiman reyra ewnîno, des aqilî reyra fikirîno, vîst goşan reyra eşnaweno, vîst destan reyra xebitîno, qîmet û qewetê înan o manewî est o. (Haşiye)