Hem senî çerxê yew paluka yewbînan de nêkewenî reqabet, verniya yewbînan kewtiş reyra tehakûm nêkenî, bi rexne qusûrê yewbînan vînayîş reyra, şewqê xebatê yewbînan şikitiş reyra atil nêverdanî. Belkî heme hêzanê xo reyra hereketanê yewbînan ver bi gayeyê meqsadî tadanî, têreyra xebitînî; yew hetkariya heqîqî reyra, bi îttîfaq, ver bi gayeyê xîlqatê xo raymanenî. Eke yew misqal taarrûz, yew tehakkûm miyanê înan bikewo, a paluka têmiyan fîneno, bênetîce akîm verdeno. Wayîrê paluka zî a paluka têdir şikneno, raşaneno.

   Ha yo, ey şagirdê Rîsaleya Nurî û xizmetkarê Qur'anî! Sey nînan, şima û ma, weslê yew şexsê manewî yî ke layiqê nameyê însanê kamilî yo. Û ma miyanê heyato ebedî de çarxê yew paluka yî ke saedetê ebediye netîce dana. Û ma miyanê yew keştî de sey xedeme yî ke ummetê Muhemmedî (a.s.w.) vejena darusselam. Seba qezençkerdena sirrê îxlasî, ke çar peya ra hezar û sew yewendes qewetê manewiye temîn keno, helbet ma muhtac û mecbur î ke paştî bidî yewbînî û îttîhado heqîqî bikerî.