Kitaplar
Rîsaleyê Îxlasî

   Şima wezîfeyê xo de yenî sucdarkerdiş, û nezerê ehlê dalalet de marûzê îttîhamanê muthîşan benî ke vanî; “pê dîn dinyaya xo viyarnenî û pê îlmê heqîqetî maîşetî xo temîn kenî, rayîrê hirs û teamkariya malê dinyayî de, reqabet kenî”. Tek çareyê na nêweşiye: Gerek merdim, her tim nefsê xo îtham biko, ganî her daîm bibo terefdarê hemmeslegê xoyê bînî …. Beyntarê ûlemayê fennê adab û îlmê munazarayî de wina yew dustûrê însaf û heqperestiye est o; “kam ke munazaraya meseleyêk de bibo terefdarê heqdar vejiyayîşê vatişê xo û pê heqdar vejiyayîşê xo keyfweş bibo û pê neheq vejiyayîşê xesmê xo û pê xeletiya xesmê xo memnûn bibo, bêînsaf o.” Hem zirar keno. Çunke gama heqdar bivejiyo; a munazara de, çiyo ke nêzanaynî nêmuseno. Bîlakîs semedê qurretî û xurûrî ra, yew îhtîmal, beno ke zirar biko. Şayet reqîbê ey heqdar vejiyo; o çax, bêcehd, meseleyo ke nêzano, museno û menfîetdar beno, xurûrê/qurretiya nefsî ra xelisîno. Dêmeg ki, heqperesto însafin, semedê xatirê heqî, xatirê nefsê xo şikneno. Eke destê reqîbê xo de heqî bivîno, fina zî bi riza, qebul keno û beno terefdar, pê ridiyeno.

   Ha yo, eke ehlê dîn, ehlê heqîqet, ehlê terîqet, ehlê îlm nê dustûrî xo rê bikerî rehber, îxlasî qezenç kenî. Û wezîfeyê xo yê uxrewî de muwaffaq benî. Û pê rehmeta îlahî, nê bindestiye û binkewtişo fecî û xidar ra, û no musîbeto hazir ra, felitînî.

سُبْحَانَكَ لَا عِلْمَ لَنَٓا اِلَّا مَا عَلَّمْتَنَٓا اِنَّكَ اَنْتَ الْعَلٖيمُ الْحَكٖيمُ

***

Hata Bildirim Formu
Sayfalar
12345678910111213141516171819202122232425262728293031323334353637383940414243444546474849505152
Fihrist
Lügat