û hewt hezar qesr û hûriyî yenî dayîş, û ehlê cennet ra her kes pê bara xo ridiyeno, nê pêro piya nîşan danî ke axîretî de çiyo ke bibo sebebê reqabetî çin o û reqabet zî nêbeno. Madem wina yo amelo salih de, ke aîdê axîretî yo, reqabet nêbeno, cayê moziriye zî niyo. Çewo ke moziriye keno, yan riyakar o, bin perdeyê amelê salîhî de menfaatê dinya geyreno, yanxo cahîlo sadiq o, ke nêzano netîceyê amelê salihî çi yo, û fam nêkeno ke esasê ruhê amelê salihî îxlas o. Semedê reqabetî, ewliyaullahî ro dişmeniye keno û no qeyde herayiya rehmetê Îlahî îttiham keno.