Kitaplar
Rîsaleyê Îxlasî

Dinya de, seba yew çiyo tenya, semedo ke gelek waştoxî est ê, û semedo ke dinya teng û muwaqet a, nêşna waştişanê bêhedan ê însanî mird û tatmîn bikero, însanî zî dekewenî reqabet. Feqet axîret de tek yew merdimî rê mesafeyê xo panc sey serre hera yew cennete (Haşiye)  sey xelate yena dayîş, 

                                       

 

        HAŞIYE

   Terefêndo muhîm ra persêka ehemmîyetdare:

   Rîwayet de vajîyayo ke, cennet de, seba merdimêk, cennetêko panc sey serri heray yano dayîş. No heqîqet, senî hîs û aqlê dinyevî de ca gêno? 

   El cewab:

   Senî na dinya de, semedê her kesî, qasê dinya, dinyayêka taybet û muweqete est a. Û estuna na dinya, heyatê ey o. Û pê hîssanê xo yê zahirî û batinî, na dinyaya xo ra îstifade keno. Vano “Roj, lambaya min o û estareyê mûmê min î”. Bîyayîşê mexlûqat û ruhdarê bînî, seba ke nêbenî manîyê wayîrtî û malikîyetê ey merdimî; bîlakîs, dinyaya eya xusûsî, şên kenî, xemilnenî. Eynî winî zî -feqet hezar derece berzêr- semedê her yew mumînî, bêxeyra xas baxçeyê ey o ke hezaran qesrî û hûrîy tede yî, seba her yewînî, cenneto taybet ke cenneto umûmî ra panc sey serri herayêr est o. Goreyê dereceyê înkîşafê hîssanê xo ra, hewayêk layiqê cennet û ebedîyetî beno û tira îstifade keno. Îştîraqê sewbînan, senî ke nuxsanîyî nêdanî malîkîyet û îstifadeyê ey; qewet danî. Û cennetê eyo taybet û hera, xemilnenî. Belê, na dinya de yew merdim senî seyahatê xo ra, baxçeyêko yew saet û seyrangehêko yew roj û memleketêko yew menge û mesîregehêko yew serri ramene ra, pê fekê xo, goşê xo, çimê xo, zewqê xo, pê ziwanê, hîssanê xoyê bînan ra îstifade keno; no tewir zî, no memleketo fanî de qewetê samme (boygirotiş) û qewetê zaîqa (tamgirotiş) ke, tenya ancax baxçeyêko yew seat ra îstifade kenî; o memleketo baqî de, baxçeyêko hezar serrî ra, eynî tewir îstifade kenî. Qewetê samîayî (eşnawitişî) û qewetê basirayî (vînayîşî) ke îta senî mesîregeheko yew serre ra îstifade keno; uca de seyehatê mesîregehêko panc sey serre ra, hawayêko layîqê o memleketo xemilnaye û bi haşmetin î yo, tira ra îstifade keno. Her mumin, goreyê dereceyê xo û goreyê xeyr û sewabanê xo ke na dinya de qezenc kerdo, hîssê ey abenî û hera benî; ci ra îstîfade keno, zewq û lezzet gêno.

 

Hata Bildirim Formu
Sayfalar
12345678910111213141516171819202122232425262728293031323334353637383940414243444546474849505152
Fihrist
Lügat