Ey ehlê heq! Ey heqperest, ehlê şerî’et û ehlê heqîqet û ehlê terîqet! Duştê no merezo îxtîlafo xidarî, qusûr û kemaneyê yewbînan mevînî. Şima ra her yew, eybê ê bînî rê çimanê xo bidignî. Edebê Furqanî
وَاِذَا مَرُّوا بِاللَّغْوِ مَرُّوا كِرَامًا
reyde wayîrê edebî bibîn!. Û hingê hêrîşê dişmenanê xarîciyan de munaqaşeyo daxîlî terk bikirîn. Û bindestiye û zîlletî ra xilaskerdişê ehlê heqî, sey wezîfeyêko uxrewiyo tewr verên û tewr muhîm bizanîn; û muhabbet û hetkarî û birartiya ke bi seyan ayet û hadîsê Pêxamberî ke bi şîddet emir kenî ca biyarîn û ehlê dinyayî ra vêşêr bi heme hîssiyatê xo dir hewayê ko bi şîddet, hemmesleg û hemdîndaranê xo reyde îttîfaq bikerîn, yanî mekewîn îxtîlaf.