SEBEBO ŞEŞİN:

   Senî îxtîlafê ehlê heqî, namerdiya înan ra, bêxîretiya înan ra, bêhîmmetiya înan ra niyo, derheqê karanê heyatê dinyevî de, samîmane îttîfaqê ehlê dinya û ehlê dalaleto xefletinî zî, merdimiya înan ra, xîretê înan ra, hamiyetê înan ra niyo. Belkî, ehlê heq, seba ke zafane faîdeyanê aîdê axîretî fikirîno, ê mijaranê giranan û zafan rê, xîretê înan, hamiyetê înan, merdimiya înan lete-lete bena. Sermayeyê eyo heqîqî, wextê xo, seba ke tenya yew mesele rê serf nêkeno, hemmesleganê xo dir îttîfaqê ey qewî nêbeno. Çunke meseleyî zaf î, daîre zî hera yo. Ehlê dinyayo gafîl zî, seba ke tenya heyatê dinyayî fikirînî, pê heme hîssiyatê xo û ruh û qelbê xo reyde, hawayo ke bi şîddet, xo meseleyanê aîdê heyatê dinyayî ra besteno. Û ay mesele de keso ke hetê ey keno xo pêt pira dusneno. Û meseleyê ke nuqtaya nezerê heqîqetî de panc pere nêkenî û ehlê heq des pere qîmet ci nêdano, sey yahûdiyêko elmasroşî ke dîwane biyo vayeya xo panc poxnot felqeyê cam rê panc lîra fiyat dano, wextê xoyo ke qîmetê ey panc sey poxnotî de yo ey meseleyî rê serf keno. Helbet hende fiyat dayîş û bi hîssanê şîddetan xo bider girotiş, şayet rayîrê batil de bibo zî, seba ke îxlasêko samîmî yo, ay mesele de ser keweno û galibê ehlê heqî beno. Netîceyê nê galebe de, ehlê heq keweno zîllet û mahkûmiyet û dibare û riyakariye, no qeyde îxlasî vîndî keno. Mecbur beno ke tay ehlê dinyayê namerd, bêxîret, bêhamiyetan rê qeşmeriye bikero.