SEBEBO PANCIN:
Îxtîlafê ehlê hîdayetî û çinbiyayîşê îttîfaqê înan senî zeîfiya înan ra niyo, îttîfaqo xurt ê ehlê dalaletî zî qewetê înan ra niyo. Belkî bêîttîfaqiya ehlê hîdayetî, senî ke nuqtaya îstînadî ke îmano kamil ra yena û qeweto ke nuxtaya îstînadî ra yeno ra yo; îttîfaqê ehlê xeflet û ehlê dalaletî zî, semedo ke qelben nuqtaya îstînadî nêvînenî, sebebê zeîfiye û eczê înan ra vejîno. Çunke zeîfî, seba ke muhtacê îttîfaqî yî, bi şîddet îttîfaq kenî. Hêzdarî, seba ke îhtiyaciya îttîfaqî tam hîs nêkenî, îttîfaqê înan zeîf o. fiêrî seba ke sey lûyan muhtacê îttîfaqî niyî, bi tenya xo ser cuyenî. Pezkoviyî semedo ke xo vergan ra bipawî bol bi bol geyrenî.
Nîhayî, senî cemiyetê zeîfan û sexsê manewiyeyê înan pêt o, (Haşiye) cemiyetê hêzdaran û şexsê manewiyeyê înan zî zeîf o. No sirrê rê îşaretêko latîf û nukteyêko zarîf ê Qur-anî no yo ke; ferman kerdo:
وَ قَالَ نِسْوَةٌ فِى الْمَدٖينَةِ
kom û cematê muennesan/ceniyan, çiqas dila muennes (makî) o zî, bi fîîlo muzekker/nerî
قَالَ
reyde ferman kerdo; hem bi fermanê
قَالَتِ الْاَعْرَابُ
reyde, cematê muzekkeran /camêrdan, fîîlo muennesan
قَالَتْ
reyde vatişa, latîfane îşaret keno ke, zeîf û halîm û nerm cematê ceniyan beno pêt, wişkiye û şîddet kesb keno û ageyreno ser halê nêriyî. No hal qandê ke fîîlo muzekker wazeno, tabîrê
وَ قَالَ نِسْوَةٌ
gelek weş ci ameyo. Camêrdê qewetinî zî, xusûsen erebê bedewiyî bibî, seba ke pê qewetê xo bawer î, cemiyetê înan zeîf o û hem seba ke dekewno weziyetê kaliye û nermiye no qeyde dekewno halê ceniyan. No hal seba ke fîîlo muennes wazeno, tabîrê
قَالَتِ الْاَعْرَابُ
tam cayê xo gêno.
