SEBEBO ÇARIN:

   Îxtîlafo reqebetin ê ehlê hîdayetî, senî, nefîkiriyayîşê aqubetî û korhîsiye ra niyo; îttîfaqo zersafî ê ehlê dalaletî zî endîşeyê aqubet û feraseto berz ra niyo. Belkî ehlê hîdayet bi tesîrê heq û heqîqetî ra nêkeweno hîssiyatê nefsê korî dima, la, seba ke tabiyê meylo dûr ê endîşaneyê aqil û qelbî benî, nêeşkenî îstiqamet û îxlasî hemet bikerî, besenêkenî hifzê nê meqamê berzî bikerî, dekwenî îxtîlaf. La ehlê dalalet, pê tesîrê nefs û hewayî, pê waştişê hîssiyatê korî, aqubetî nêvînenî û dirhemêk lezzetêko hazirî tercîhê yew batman lezzeto ameyeyî kenî; semedê menfîetêko pêşin û lezzetêko hazir, yewbînan de samîmî û bi şîddet îttîfaq kenî.

   Belê, dormareyê lezzetê hazirî û menfîetê dinyeviyî de, kesê zelîl, bêqelb û nefisperestî, zerra safî ra îttîfaq û îttîhad kenî. Ehlê hîdayet, seba ke pê dustûranê qelb û aqilo berz meyweyanê uxrewî, û kemalato ke aîdê axîretî û îstîqbalî yo ra ewniyenî, la her çiqas îmkanê îstîqametêko esasî û îxlasêko tam û îttîhad û pêkerdişêko gayet fedakarane viraştiş est bo zî, seba ke besenêkenî xo enaniyetî ra pak bikerî, semedê îfrat û tefrîtî ra, îttîfaqo ke çimeyê qewetêndo berzî yo vîndî kenî, îxlas zî herimîno. Û wezîfeyo uxrewî zî zirar gêno. Rizaya îlahî zî bi asaniye dest nêfîniyêno.

   Melhem û dermanê nê merezê muhîmî; çewê ke rayîrê heq de şinî merdim ganî bi sirrê

اَلْحُبُّ فِى اللّٰهِ

ra înan dir embaziye de îftîxar bikero, û înan dima şîro, û şerefê îmametiyî înan rê verdo, û o rayîro heq de, kam beno wa bibo, înan xo ra hîna hol bizano, ganî enaniyetî ra fek verado û îxlasî qezenç biko, û bizano ke dirhemêk amelo îxlasin, bi batmanan amelo bêîxlasî ra hîna erjaye yo. Herinda reîstiye, ke sebebê mesûliyet û tehlîkeyî ya, tabîbiyayîşî tercîh biko. No qeyde, na nêweşiye ra xelisîno û îxlasî qezenç keno, wazîfeyê xo yê uxrewî, biheqqîn ano ca.