SEBEBO DIYIN:

   Zîlletê ehlê dalaletî ra yo, îttîfaqê (pêkerdişê) înan; îzzetê ehlê hîdayetî ra yo, îxtîlafê (pênêkerdişê) înan. Yanî, ehlê dinya û ehlê dalalet, ke ehlê xefletî yî, semedo ke paşta xo nêdanî heq û heqîqetî, zeîf û zelîl î. Zîlletî xo ra muhtacê destvistişê qewetî yî. Qandê nê îhtiyaciye, zerra safî ra, wişka-wişk, hetkariye û îttîfaqê sewbînan geyrenî. Hetta meslegê înan dalalet bo zî fina îttîfaqî muhafeze kenî. Seke a neheqiye de yew heqperestiye, ey dalaletî de yew îxlas, a bêdîniye de yew taassûbo dînsiziye, û ey nîfaqî de îttîfaqêk pêanî, muwaffaq benî. Çunke, îxlasêko samîmî û safî, şer de zî bibo, bênetîce nêmaneno. Belê, pê îxlas kam çi biwazo, Homa dano ci. ^(Haşiye) 

   Labelê, ehlê hîdayet û diyanet û ehlê îlm û terîqet, semedo ke paşta xo danî heq û heqîqet, û înan ra her yew, rayîrê heq de tenya Rebbê xo fikirîno û baweriya xo Ci ano û şino. Manen, îzzetê înan o ke o mesleg ra yeno est o. Gama zeîfiye hîs biko, herinda însanan ra xo fîneno Homayê xo, hêviya xo Ci ano û Ey ra ardim wazeno.

   Sebebê îxtîlafê meşreban ra, kesê ke zahîren muxalîfê meşrebê ey ê, îhtiyaciya xoya ardimê înan dir tam hîs nêkeno, (ardimkerdişê înan rê hewce nêvîneno), luzumiya îttîfaqî nêvîneno. Eger xodgamiye û qurretiye zî bibo, xo heqdar, muxalîfê xo neheq zen keno, herinda îttîfaq û muhabbetî de, îxtîlaf û reqabet keweno mabên. Îxlas destê ey ra vejîno, wezîfeyê ey zîr û zeber beno.