Ez bi awayekî bê şik û guman, bi gelek elametan û bi qenaeteke kûr diyar dikim ku ev welat, ev millet û ev hukûmeta vî memleketî wê di demeke nêzîk de, li hember alema Îslamê û li hember dinyayê wê pir muhtacê berhemên mîna Rîsaleyên Nûr bibin û wê bi berhemên wisa hebûna xwe, rûmet û şerefa xwe û serbilindiya xwe ya dîrokî bi wan nîşanî xelkê bidin.
(Emirdağ Lahikası: 246)
***
Rêya Rîsaleyên Nûr Rêya Sehabiyan e
“Mesleka Rîsaleyên Nûr ne terîqet e, heqîqet e; cîlwe û çirûskeke ji mesleka sehabiyan e. Ev dem ne dema terîqetê ye, dema xilaskirina îmanê ye.” Hemd ji Xwedê re, Rîsaleyên Nûr ev wezîfe di demên herî zehmet de kiriye û dike jî. Daîreya Rîsaleyên Nûr di vî zemanî de daîreya şagirtên Hz. Elî, ya şagirtên Hesen û Huseyn (r.e.) û -li gorî xeberdayina ji xeybê ve- ya Xewzê E‘zem (q.s.) e. Lewra çawa ku Hz. Elî bi sê kerametên xeybî qala Rîsaleyên Nûr kiriye, Xewsê E‘zem jî bi şiklekî teqez qala Rîsaleyên Nûr kiriye û cesaret daye tercumanê wan.
Ev herçar Rîsaleyên mehrem yên derbarê herçar Kerametên ‘Elewiye û Xewsiye di demeke nêzîk de dikarin ji we re bêne şandin. Ehlê wuqûf yê mehkemê li wan îtiraz nekirine tenê gotine, “Divabû ev neyê nivîsîn.” û rexneyeke piçûk lê kirine. Min jî cewaba wan da, sekinîn. Jixwe bêyî ku xwe bi şêxekî an kesekî ve girêbidim, min ev dersên rastiyê yekser bi wasiteya Xewsê E‘zem (q.s.), Zeynelabidîn (r.e.) û Hesen û Huseyn (r.e.) ji Îmamê ‘Elî (r.e.) girtine. Loma jî daîreya ku em pê xizmetê dikin daîreya wan e jî.
(Emirdağ Lahikası: 48)
***
