Belê, Rîsaleyên Nûr jî murşidekî girîng, ilmî û manewî yê vê sedsalê ye. Weke murşidên şexsî yên mezin, bi taybetî di mijara heqîqetên îmanê û belavkirina wan de, bi çend cûreyan kerametên mezin yên Rîsaleyên Nûr jî hene ku layiqî wê ne û bi rastiyên ilmî re munasib in. Dîsa bi awayekî vebirî gelek nîşan û rûdanan qenaeta min çêkirine ku gelek rîsaleyên mîna Mu‘cîzatê Ehmediye -ku sê keramatê wê yên zahir hene- Peyva Dehan, Peyva Bîst û Nehan û Ayetu’l-Kubra her yekî ji wan kerametên xwe yên taybetî hene. Gelek bûyer êdî şubhê nahêlin ku Rîsaleyên Nûr di dema sekeratê de weke murşidekî kamil gihatiye şagirtên xwe da ku îmana wan xilas bike. Min qenaet anî û dît ku “Saeteke tefekkurê beramberî salek îbadetê sunnet e.” Hizba Ekber* e. (Haşiye)
(Kastamonu Lahikası: 16)
***
Min li waizan guhdarî kir, şîretên wan li min tesîr nekirin. Ez fikirîm, min di hişkîtiya dilê xwe de sê sebebên din dîtin:
Ya Yekemîn: Dema niha bi dema buhurî re muqayese dikin û tişta ku îddîa dikin tenê ronîdar û bi mubalexe nîşan didin. Ji bo tesîrlêkirinê îsbata îddîayê û îqnakirina lêkolînerê rastiyê lazim e, lê vê îhmal dikin.
