Kitaplar
Rêbera Xizmetê

Piştî ku di sala 1907an de hatiye Stenbolê, ev xebatên xwe xurttir kirine. Ji hêlekê ve ji bo ku xebatên zanîn û îrfanê li Kurdistanê zêde bibin ji Sultan Ebdulhemîd dixwaze ku li navendên cihê xwendegeh û mekteban vebike, ji hêla din ve jî piştgiriya tevgerên terefdarê meşrûtiyet û hurriyetê dike ku li hemberî rêvebirina mutleqiyetê (padîşahtî, monarşî) derdiketin. Di vê demê de têkiliya Bedîuzzeman bi temamê komele, cemiyet û klûbên ku di warên siyasî, civakî û kulturî de dixebitîn re hebû. Bedîuzzeman li Rûsyayê, li kampa esîran ya bajarê Kosturmayê veguherînekê dijî û cara pêşîn li wir sînyalên dewra ku jê re Seîdê Nû dibêje distîne. Piştî ku Bedîuzzeman di sala 1918an de dizivire tê Stenbolê, his dike ku ev veguherîna wî hê zêdetir dibe. Çi dema ku firsetê dibîne, dikeve înzîwayê. Di sala 1923an de diçe Wanê û vedikişe şikefteke Çiyayê Erekê. Êdî li wir fîîlen jî dema Seîdê Nû dest pê kiriye. Di vê dewrê de Bedîuzzeman berê xwe dide tefekkura rûhî û qelbî û weke encama wê jî barê manewî yê îrşadê dide ser milê xwe. Di vê dema Seîdê Nû de Rîsaleyên Nûr dinivîse. Bedîuzzeman di dema Seîdê Berê de giranî dida meseleyên civakî û siyasî, lê di dema Seîdê Nû de giranî daye dersdayina heqîqetên îmanê; tevgereke manewî ya îrşadê. Digel ku Bedîuzzeman ji ber mercên fizîkî û rûhî weke du dewran li jiyana xwe mêze kiriye jî, ev herdu dewr bi temamî ji hev cuda nekirine. Loma di dewra Seîdê Nû de jî, dema ku rastî mijarên civakî û siyasî bûye muraceetî uslûba Seîdê Berê kiriye. Mesela, dema ku piştî salên 1950î Tirkiye derbasî sîstema pir-partî dibe, nameyan ji serokwezîr û serokkomar re dişîne û di mijarên cihê de şîretan li wan dike. Ji şîretên wî yên ku di dawiya umrê xwe de li şagirtên xwe kirine jî tê fêhmkirin ku ev parvekirina jiyana wî ya li du dewran ji ber buyerên konjonkturel e. Di nameyeke xwe ya di Emirdağ Lahika de weha dibêje: “Ji ber nexweşîna giran û sebebeên din min nikarî bi birayên xwe yên şagirtên Nûrê re biaxvim. Ez ji suhbeta wan mehrûm mame. Loma jî di şûna min de hûn dersa ku Rîsaleyên Nûr ji medreseya Qur’anê daye Seîdê Nû, ji birayên min yên ku min pir bêriya wan kiriye re bixwînin. Herweha axaftin û dersên mîna Xudbeya Şamê û Pêvekên wê, yên ku Seîdê Berê ji medreseya jiyana civakî standine jî bixwînin. Ez we dikim wekîl, di şûna vî birayê xwe yê feqîr de, bi van dersan bi wan re biaxivin.”

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat