Muhyeddînê Erebî: (1165-1240) Navê wî yê tam Ebu Ebdullah Muhyuddîn Muhemmed b. Elî ye, weke “Îbni Erebî” û “Muhyeddîn Îbni Erebî” jî tê nas kirin. Li Endulusê (Îspanya), li bajarê Mursiye hatiye dinyayê. Ji qebîleya Ereb ya navdar Taî e. Navdariya Muhyeddînê Erebî li alema Îslamê belav bûye û bi sernavê “Şêxê Ekber” (Şêxê Herî Mezin) hatiye binavkirin û bi baweriya Wehdetu’l-Mewcûdê meşhûr bûye. Ji ber tiştên ku di seyr û sulûkê de muşahede kirine bê mîzan nivîsîne, gotinên wî muxalifê zahirê şerîetê ne û ji hêla gelek aliman ve hatiye tenkîdkirin û tekfîrkirin. Di jiyana xwe de li Bakurê Efrîqayê, Rojhilata Navîn û Enedolê geriyaye, di dawiya umrê xwe de li Şamê jiyaye. Şagirtê wî yê herî sadiq Sedreddînê Qonewî ye. Berhemên wî yên herî girîng Futûhatê Mekkiyye û Fusûsu’l-Hîkem in. Îbni Erebî berî mirina xwe li feqiyê xwe yê nêzîk Sedreddîn wesiyet kiriye ku dostên wî nekevin mijarên zehmet yên marîfetên zewqî ku di kîtabên wî de cih girtine.
Mustefa (Acet): (1924-1990) Li Emîrdaxê hatiye dinyayê. Di sala 1948an de tevî Bedîuzzeman di hebsa Afyonê de maye. Bi destxeta xwe ya rind Rîsaleyên Nûr nivîsîne û zêde kirine. Piştî ku Mustefa Acet ji hebsê derketiye, demekê melatî kiriye. Di sala 1990î de piştî ku hecca xwe kiriye, li Medîneya Munewwere wefat kiriye.
Mustefa Çawîş: Di sala 1882an de hatiye dinyayê û di sala 1939an de jî wefat kiriye. Li Barlayê yek ji şagirtên nêzîk yên Bedîuzzeman Seîd Nûrsî ye.
Mustefa Gul: (1900-1985) Mustefa Gul ji gundê Sav yê Ispartayê ye. Di sala 1942an de Bedîuzzeman nas kiriye. Cara pêşîn li hebsa Ispartayê Bedîuzzeman ziyaret kiriye û ji wê rojê pê ve dest bi nivîsandina Rîsaleyên Nûr kiriye û zêde kirine. Mustefa Gul di meha Çiriya Pêşîn ya sala 1985an de rehmet kiriye.
Mustefa Sebrî Efendî: (1869-1954) Li Toqatê hatiye dinyayê, siyasetmedar û şêxulîslamê Osmanî yê dema dawî ye. Piştî ku xwendina xwe ya dînî xilas kiriye, nêzîkî şazdeh salan li huzûra Ebdulhemîdê Duyem beşdarî Dersên Huzûrê bûye (1898-1914). Piştî îlankirina Meşrûtiyeta Duyem ji Toqatê weke parlementer ketiye Heyeta Mebûsan. Rojnameya Beyanu’l-Heq derxistiye û tê de rexne li Cemiyeta Îttihad û Tereqqiyê girtiye. Di nav damezrênerên Firqeya Hurriyet û Îtilafê û yên Cemiyeta Îttihada Îslamiye de cih girtiye û bûye endamê Daru’l-Hikmeti’l-Îslamiye. Dawiyê çûye Qahîreyê, li Zanîngeha Ezherê ders daye û jiyana xwe li Misrê derbas kiriye.
