Kitaplar
Rêbera Xizmetê

 Wî ji roja pêşîn ya wezîfeya îlahî ve xîtabî temamê dinyayê kiriye. Ew peyama ku wî anîbû, bi gotineke din ew doza ku bi teblîxkirina wê berpirsyar bû, ne tenê ji gelekî yan jî ji heyamekê re bûye, newekheviya sinif û nijadan nas nekiriye. Bi vî awayî hê ji roja pêşîn ve giştîbûn û cîhanşumûliya mesaja îlahî hatiye qebûlkirin û tescîlkirin.

Dîroka mirovahiyê bûye şahidê rêvebirên mezin yên dewletê, cîhangîr û fatîhan, zahid û îslahkerên mezin; lê yên ku ev taybetmendî hemî di xwe de civandibin pir û pir hindik in. Eger tenê mirov ji Hz. Muhemmedê (e.s.w.) ku ev taybetmendî hemî pê re hebûn re bibêje ku ew teblîxkerê yek ji dînên herî mezin yên dinyayê ye, têra vê yekê dike. Dînê ku wî anî; gelên wehşî û bedewî ku di orf adetên xwe de pir serhişk bûn, di demeke pir kin de kirin gelên dinyayê yên herî medenî û ji hemî gelan re kirin mînak û rêber. Hz. Muhemmed di demeke kin ya mîna deh salan de dewleteke li ser sê milyon metrekareyan ava kir ku temamê Girava Erebistanê, Îraq û Filistînê di xwe de digirtin.

Dewleta Îslamê ya ku wî li Medînê ava kir, heta îro jî di dilê her mislimanî de bûye hedef û modeleke îdeal. Mislimanan di her dewrê de ew dema bextewariyê (esra seadetê) ji jiyana xwe re kirine mînak.

“Em zatekî tevgerxweş, rûbedew û bijarte dibînin ku di destê wî de kîtabeke mu‘ciznuma, li ser zimanê wî jî xîtabeke heqaşîna heye û xudbeyeke ezelî teblîxî temamê benî-Adem, cin û ins û melekan, hetta teblîxî temamê hebûnê dike. Wê mu‘emmaya ‘ecêb sirra afirandina alemê rave û şîrove dike; tilsima girtî ya sirra kaînatê vedike û bersivên maqûl û îqnaker dide hersê pirsên mezin, dijwar û zehmet ku ji temamê hebûnê têne pirsîn û her aqilî di heyretê de dihêlin: Tu kî yî? Ji kû tê? Diçî kû?”

Belê, jiyana wî ya ku 13 salên wê li Mekkeyê û 10 salên wê jî li Medîneyê derbas kirin li holê ye. Di wê demê de, Pêxember (e.s.w.) derbarê mijarên dînî û dinyayî de ahengeke pir hessas saz kiriye. Mirov dikare bibêje ku ev ahenga hessas bidestxistina mirovahiyê ya herî mezin e. Ji vê hêla xwe ve Resûlê Ekrem hem siltanê dilan e, hem qumandarekî cengê ye; hem mamoste û seyda ye, hem jî malxweyekî malê ye ku ji bo rizqê xwe ew bi xwe dixebite. 

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat