Lutfî (Ebdullah Lutfî Ozerdem): (1881-?) Yek ji şagirtên Bedeîuzzeman yê pêşîn yê Ispartayê ye. Di nivîsandin û zêdekirina Rîsaleyên Nûr ya bi nivîsa destan de xizmeteke mezin kiriye. Di sala 1935an de bi Bedîuzzeman Seîd Nûrsî re di hebsa Eskîşehirê de maye.
Medresetu’z-Zehra: Medresetu’z-Zehra weke xeyala Bedîuzzeman û îdeala wî ya herî mezin tê zanîn. Medresetu’z-Zehra projeya zanîngehekê ye ku Bedîuzzeman dixwest navenda wê Wanê ava bike. Li gorî projeya Bedîuzzeman wê ilmên dînî û zanistên nûjen bi hev re di vê zanîngehê de bêne xwendin, perwerdeyeke wisa bête dayin ku aqil, rûh, dil û hestên din jê tamê bistînin û têr bibin. Bi vî awayî wê mirovên gihiştî û nifşekî nû bêne perwerdekirin. Bi vê uslûba perwerdeyê wê nakokî û dijmintiya di navbera medrese, mekteb û tekyê de ji holê bête rakirin, navbera aqil û wehyê bête çêkirin. Digel van aliyên manewî bêguman aliyên wê yên civakî û siyasî jî hene. Bedîuzzeman dîtiye û zaniye ku di civata Osmanî û Komara Tirkiyê de ku dewama wê ye, gelên cihê hene. Ji bo ku ew gel bi hev re bijîn û bi hev re bimînin, rêyek ji yên girîng azadiya ziman û çandê ye. Loma jî Bedîuzzeman xwestiye ku bi sê zimanan (Erebî, Tirkî, Kurdî) xwendin di Medresetu’z-Zehrayê de bête kirin. Aliyê siyasî jî ew e ku Bedeîuzzeman xwestiye ev zanîngeh ji hêla jeopolîtîk ve li cihê çûyin-hatina Tirkiye, Kurdistan, Îran, Kafkasya û Erebistanê be. Ji ber îhmalkirina vê projeya ku Bedîuzzeman Seîd Nûrsî berî niha bi sed salî li ser fikiriye û ji bo çêkirina wê xebitiye, gelên herêmê zirarê dibînin û encamên neyînî dijîn.
Mehdî: Yê ku hîdayet bûye, yan jî bûye sebebê hîdayetê. Zatekî ji nesla Pêxember (e.s.w.) e, seyyid e, di axirzeman de careke din hakimiyeta dînê Îslamê çêdike. Di hemî dînên semawî de rîwayet hene ku Mehdî di axirzeman de tê û însanan dibe ser rêya rast.
Mehdiyê Muntezer: Binêre: Mehdî.
Mehmed Kayalar: (1920-1994) Li nahiyeya Kayalar ya Selanîka Yunanistanê hatiye dinyayê. Şagirtekî Rîsaleyên Nûr e ku Bedîuzzeman dîtiye û beşdarî suhbetên wî bûye. Bi taybetî li Diyarbekirê xizmeta Rîsaleyên Nûr kiriye. Mehmed Kayalar serpelekî (yüzbaşı) teqawîdbûyî bûye û di sala 1944an de li Yalovayê wefat kiriye.
