Îttihad û Tereqqî: Binêre: Cemiyeta Îttihad û Tereqqiyê û Îttihadî.

Îttihadî: Binêre: Cemiyeta Îttihad û Tereqqiyê û Îttihadî.

Îxwanu’l-Muslimîn: (Birayên Misliman) Cemiyeteke ku di sala 1928an de ji hêla Hesen el-Benna ve li Misrê hatiye avakirin. Heta sala 1932an gelek şaxên vê cemiyetê vebûne. Cemiyetê di warê fikrî û siyasî de xebat kirine. Di şerê Îsraîl û Ereban, yê sala 1948an de beşdarî şer bûye. Di sala 1949an de, serekê tevgerê Hesen el-Benna bi sûîqesdeke bi destê hukûmetê hatiye şehîdkirin. Cemiyeta Îxwanu’l-Muslimîn her ku çû di warên siyasî û civakî de zêde bi hêz bû. Di dema serekê Misrê Cemal Ebdunnasir de îllegal hatin qebûl kirin, bi hezaran endamên wan hatin girtin, heft serekên wan jî mehkûmî îdamê bûn. Mufekkirê Îslamê yê mezin û nivîskarê tefsîra Fî ZîlaLi’l-Qur’anê Seyyid Qutub jî di nav wan serekan de bû (1966). Tevgera Îxwanu’l-Muslimîn di dîroka nûjen ya Îslamê de bi xebatên xwe yên siyasî, ilmî, çandî û civakî li ser tevgerên din yên Îslamî jî tesîr hiştiye.

Johntirk: Johntirkên weke “Osmaniyên Nû” û “Osmaniyên Ciwan” jî têne zanîn, ronakbîrên Osmanî bûn ku dixwestin bi daxwiyaniyeke makezagonê hilbijartinên azad çêbibin û rêvebiriya memleket teslîmî parlamentoya nû (Meclisa Şûrayê) bibe. Şinasî, Namiq Kemal, Ziya Paşa, Elî Suawî û Mustefa Fazil Paşa ji pêşîvanên Johntirkan bûn. Ji ber ku ramanên ku Johntirkan belav dikirin, di dewleta Osmanî de bûn sebebê îlankirina Meşrûtiyetê, girîng in.

Keleha Babîlê: Binêre: Burca Babîlê.

Keyanî: Binêre: Exemanişî.

Lamartin: (1790-1869) Şair û rêvebirê dewletê yê Fransizan e. Di şiîrê de dengekî romantîk û vegotineke ji dil bikar anî û di demeke kin de bi ser ket. Bi taybetî jî bi şiîrên xwe yên dînî û yên derbarê mijarên şexsî de hate naskirin. Bi vî rengî Lamartin bi temamî şiîreke ji şiîrên rijî yên sedsala 18an cihê pêk anî. Lamartin yek ji girîngtirîn navên romantîzma Fransayê ye.