Hesen Fehmî Beg: (wefat: 1909) Hesen Fehmî Beg nivîskar û rojnamevan e û di rojnameya Serbestî de sernivîskar bûye. Ji ber ku di nivîsên xwe de rexne li Îttihadiyan girtiye ji hêla kesekî nenas ve li ser Pira Galatayê hatiye kuştin.

Hîzbu’l-Ekberî’l-Qur’anî: Navê kîtabekê ye. Kîtab ji ayetên girîng yên heqîqeta îmanê pêk tê. Ev ayet çavkanî, mamoste, bingeh û heqîqetên Rîsaleyên Nûr in.

Hulagû: Hukumdarekî Moxolan e, damezrênerê xanedana Îlhaniyan e. Xwestiye ku alema Îslamê bike bin serweriya Moxolan. Hulagû navenda xîlafeta wê demê Bexda jî sitandiye û talan kiriye. Di hilweşandina çanda Îslamê ya Serdema Navîn de Hulagû weke mirovê ku rola herî girîng lîstiye tê qebûlkirin. Ji ber ku di şerên xwe de pir xwîn rijandiye, di tarîxê de weke yek ji hukimdarên herî zalim tê naskirin.

Huseyn (r.e.): (626-680) Navê wî Huseyn b. Elî b. Ebî Talib e, kurê Hz. Elî ye. Ji alî Yezîdê kurê Muawiye ve tevî heftê hevalên xwe li Kerbelayê bi xwînxwarî hatiye şehîdkirin. Ji ber ku Hz. Huseyn li hember rejîma seltenet û zilmê serî hildaye û di rêya heq û edaletê de şehîd bûye, di alema Îslamê de bûye sembola şehadetê.

Husnî Bayram (Hüsnü Bayram): Ji Safranboluya qezaya Zonguldaxê ye. Hê sêzdehsalî bûye, di salên 1950î de Bedîuzzeman li Emîrdaxê ziyaret kiriye. Piştî vê ziyaretê, bavê wî ew kiriye xizmeta Bedîuzzeman. Ji vê ziyareta wî heta bi wefata Bedîuzzeman (1960) di xizmeta wî de maye. Husnî Bayram jiyana xwe weqfî xizmeta Rîsaleyên Nûr kiriye.

Hz. Elî: Binêre: Elî (r.e.).

Hz. Hesen: Binêre: Hesen (r.e.).

Hz. Osman: Binêre: Osman (r.e.).

Hz. Yûsuf: Binêre: Yûsuf (e.).

Ilmê Kelam: Ilmê ku li ser zat û sifetên Ellah Teala radiweste û qala mijarên pêxemberî û baweriyê dike. Jê re “usûlu’d-dîn” jî tê gotin. Ji kesên ku li ser vî ilmî dixebitin re jî “mutekellimîn” tê gotin. Binêre: Mutekellimîn.