Kitaplar
Rêbera Xizmetê

Ji bo aboriya Cami‘u’l-Ezherê hê di dema avakirina wê de weqf hatine avakirin da ku pêdiviyên wê bi cih werin. Ev weqf girêdayî Cami‘u’l-Ezherê bûne û hemî pêdiviyên wê ji van weqfan hatine bicihanîn. Di serî de Fatimiyan; Memlûkiyên ku bûn serwerê Misrê û Osmaniyan jî weke sazî piştgiriya xebatên vê zanîngehê kirine. Çawa ku berê Cami‘u’l-Ezher navendeke herî kevn ya perwerdeya alema Îslamê bûye, îro jî ji her çar aliyên alema Îslamê xwendevan diçin Cami‘u’l-Ezherê û li wir dixwînin.

Ce‘ferê Sadiq: (699-765) Navê wî yê tam Cafer b. Muhemmed e, leqeba wî es-Sadiq e. Di nav 12 îmaman de yê şeşan e, ketiye şûna bavê xwe Muhemmed el-Baqir. Ce‘ferê Sadiq bi kûrahiya xwe ya di ilmê hedîsê de meşhûr bûye û fiqihzanekî mezin e.

Cebraîl (e.): Ferişteyê wehyê ku emrên Xwedê ji pêxemberan re dianîn. Di çavkaniyên Cihû û Filehan de bi şiklê Gabrîel derbas dibe. Di Qur’ana Kerîm de bi pênc navên cihê hatiye gotin: Cibrîl, Rûhu’l-Qudus, Rûhu’l-Emîn, Rûh û Resûl. Di hedîsan de jî weke ferişteyekî ku wehy ji Pêxember re dianî, Qur’an hîn dikir û di gelek mijaran de hukim beyan dikir, tê zikirkirin. Hetta, di hedîsan de tê gotin ku carna di şiklê mirovekî de xwe nîşanî sehabiyan jî daye. Dîsa tê rîwayetkirin ku carna di şiklê mirovekî bedew de, çend caran jî di şiklê sehabiyê bi navê Dihye b. Xelîfe de hatiye cem Pêxember.

Cebrî: Binêre: Cebriye.

Cebriye: Ev mezheb dibêje ku her tişt bi zanîn, qudret û vîna (îradeya) Xwedê tevdigere, qedera însan ji berê de hatiye nivîsîn û kufşkirin, naxwe serbestiya mirovan ya vîn û hilbijartinê tune. Li gorî vî mezhebî, çêkerê/kirdarê rastî yê kirinên mirovan Ellah Teala ye. Evd mecbûr in tiştên ku pêşî Xwedê biryara wan daye bikin. Ji ber ku ev mezheb berpirsyariya kirinên mirovan ji holê radike, ji aliyê Ehlê Sunnetê ve hatiye redkirin. Kesê pêşîn ku gotiye çêkerê kirinên mirovan Ellah Teala ye û tu hêza mirovan ya ku kirinan bikin tune, Cehm b. Sefwan e.

Celal Bayar: (1883-1986) Serokkomarê sêyemîn yê Komara Tirkiyê ye. Di ala 1883an de li Bursayê hatiye dinyayê, kurê Ebdullah Fehmî Efendiyê muhacirê Plevneyê ye. Piştî ku di sala 1908an de Meşrûtiyet hatiye îlankirin, tevlî Cemiyeta Îttihad û Tereqqiyê bûye. 

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582
Fihrist
Lügat