Welhasil: Zordestî û serdestî ji hêla nezanînê ve niha hukimferma ne. Mîna ku zordestî û xefiyetiyê tenasux kiribin û armanc jî ne xilaskirina hurriyetê ji Ebdulhemîd be. Lewra tu têkiliya wan [Îttihadiyên nû] bi azadiyê re tune.

(İçtimaî Dersler, İki Mekteb-i Musibetin Şehadetnamesi: 175)

***

   Kesî nikaribû bi dijîtiya li hember ayeta celîle

وَلاَ تَجَسَّسُوا

   û tirsa xefiyeyan serweriyê bike. Rojname li dijî nîvê din yê ayetê 

وَلاَ يَغْتَبْ بَعْضُكُمْ بَعْضاً

  tevgeriyan û mîna xefiyeyên berê, bi şik û guman li ramana herkesî nêrîn. Lê sed heyf û mixabin, kesên ku ji bo îfratê musaid in, musaidê tefrîtê ne jî.

(İçtimaî Dersler, Makaleler: 526)

***

   Îtaeta Artêşê û Berpirsyaran

   Ey leşkerên bawermend û bi nav deng! Ey lehengên muhteşem ku ev milletê mezlûm û Îslama pîroz du caran ji xeterê xilas kirin!

   Xweşikî û çêyiya we rêkûpêkbûn û ewlehî ne. Hêz û jiyana we di îtaetê de ne. Vê taybetmendiya xwe ya pîroz li hember amirê xwe yê herî piçûk jî nîşan bidin. Rûmeta sî milyon Osmanî û sêsed milyon Mislimanî êdî bi îtaeta wa ve girêdayî ye. Ala tewhîda îlahî di destên we yên cesûr de ye. Hêza wan destê we yên mubarek jî di îtaetê de ye. Qumandarên we, mîna bavên we yên dilovan in. Bi Qur’an û hedîsê, hikmet û tecrûbeyê sabit e ku îtaeta berpirsyaran ferz e.